हस्पिटलको बेडबाट बिपीले शेखरका बुवालाई लेखेको पत्रनै बाहिरियो , (पुरा विवरण सहित)

नेपाली काग्रेसको १४ औँ महाधिवेशनमा शेरबहादुर देउवा सँग सभापतीमा पराजित भए पछि शेखर कोइरालाले एक ऐतिहासिक पत्रको स्मरण गर्दै भाई शशांक र बहिनी सुजाताले उक्त पत्रको मर्म वुझ्न नसकेको भन्दै चित्त दुखाएका थिए । शेखरको यस्तो खुलासा पछि उक्त पत्रमा के लेखिएकोे छ भन्ने चासो पनि सुरु भएको छ ।

विपी कोइराला क्यानसर लागेर उपचार गर्न जाँदा टाटा मेमोरियल अस्पतालत बाटै आफ्ना बुवा केशव कोइरालालाई लेखेको पत्रको स्मरण गर्दै शेखरले त्यो पत्रको मर्म अहिले शशांक र सुजाताले बुझ्न नसकेको भन्दै दुखेको गरेका थिए । भाइ केशवले घर धानेर आफुलाई राजनितीमा सहज भएको आशय विपीले उक्त पत्रमा लेखेका थिए ।

बीपीले टाटा मेमोरियल अस्पतालबाट एउटा चिठी लेख्नुभएको थियो । बीपीले मेरो बुबालाई लेखेको चिठी मार्मिक छ । मेरो बुबा पनि क्यान्सरबाट पीडित हुनुहुन्थ्यो । सायद भाइ बहिनी ९शशांक र सुजाता० ले त्यो चिठीको मर्म बुझेनन् भन्ने मलाई लाग्छ शेखरले एक टेलिभिजन अन्तर्वातामा यस्तो बताएका थिए ।

बीपी कोइरालाले १८ डिसेम्बर १९८१ मा लेखेको पत्रमा भनिएको छ तिमीले घर धानिदिएका थियौ, त्यसकारण म बीपी यहाँ पुगेँ । र, हाम्रा छोराहरुले पछि पनि पिताजीको एकतालाई कायम राखेर कीर्तिमान राख्नेछन् । त्यो कुरा शशांक र सुजाताले बुझ्न चाहेनन् ।” शेखरले गुनासो गरेका थिए ।

विपी कोइरालाले आफ्ना भाई केशव कोइरालालाई १८ डिसेम्बर १९८१ मा अस्पतालको वेड बाट लेखेको पत्रको विवरण यस्तो थियो जुन पत्रलाई अहिले पनि शेखर कोइरालाले फ्रेममा सजाएर घरमा राखेका छन् । हेर्नुहोस पत्रमा लेखिएको विवरण यस्तो छ ।

कोसु,
मेरो स्वास्थ्यको सम्बन्धमा नोनाले सब कुरा बताउनेछिन् । नोनालाई मैले बम्बई लिएर गएँ । तिमीलाई केही असुविधा भयो होला । हामी दुवैलाई ठूलो रोग लाग्यो । ओखती उपचारले जति दिन धान्छ त्यति धान्ने हो । तिमीले सारा हेरविचार गरेका थियौ । मेरा भाइहरुको ठूलो मद्दतले मैले केही गर्न सकेँ । कोइरालाहरुको केन्द्रभूमि पिताजीको कार्यक्षेत्र विराटनगरमा हाम्रो अस्तित्वको रक्षा तिमीबाट भएको छ । हाम्रो सेखपछि छोराहरुले एकदम एकता राखेर पिताजीको कीर्तिलाई कायम राख्नेछन् ।

म सोमबार राति सोझै काठमाण्डु फर्किन्छु । बुनु, गिरिजा र शैलजासँग । शुशीला, प्रकाश, नोना र चेतना बनारस जान्छन् । मैले सकेँ भने १-२ दिनका लागि तिमीसँग भेट्न विराटनगर जानेछु ।
त्यहाँ सबैलाई मैले सम्झेको छ भनिदिनु ।
माया गर्ने
सान्दाजु