प्रचण्डले बनाएको मलाई होइन उनका छोरीबुहारीलाई हो भन्दै टोपबहादुरले दिए मुखभरिको जवाफ !

नेकपा एमालेका सचिव टोपबहादुर रायमाझीले नेकपा माओवादी केन्द्रका अध्यक्ष पुष्पकमल दहाल प्रचण्डको राजनितीक भविश्य बारे ठोकुवानै गरेर नयाँ भविश्यवाणी गरेका छन् ।

प्रचण्डको राजनितीक उचाइको ग्राफ ओरालो लागेको भन्दै रायमाझीले अब यो देशको राजनितीमा प्रचण्डले चाहेका कुरा हाबी हुन नसक्ने दावी गरेका छन् । चरम व्यक्तिवादी सोच र मपाईत्वका कारण प्रचण्डको राजनिती समाप्तीको अन्तिम अवस्थामा पुगेको दावी उनले गरेका छन् ।

ओटीभी नेपाल डट कम सँगको विशेष कुराकानीमा एमाले सचिव रायमाझीले काग्रेस सँग गठबन्धन नगरिकन अस्तिवनै रक्षा गर्न नसक्ने अवस्थामा प्रचण्ड पुगेको बताएका छन् । एक्लै चुनाव लड्दा अस्तित्वनै समाप्त हुने ठानेर प्रचण्ड काग्रेसको पुच्छर समातेर वैतर्णी तर्ने प्रयासमा रहेको उनले बताएका छन् ।

प्रचण्डले काग्रेस सँग गठबन्धन बनाउँछौ भनेर जती नै एकतारे बजाए पनि व्यवहारिक रुपमा भने त्यो किनै कठिन रहको जिकिर रायमाझीले गरेका छन् । काग्रेसकै नेताहरुले माओवादीसँग गठबन्धन गर्न हुँदैन भनेर क्याम्पेनिङ सुरु गरिसकेको भन्दै उनले प्रचण्ड अब झन अतालिइएको बताएका छन् ।

नेकपा एमाले शक्तिशाली र जनप्रिय पार्टी भएको भन्दै सचिव रायमाझीले कुनै पनि दल मिलेर गठबन्धननै गरेर आए पनि एमाले सामना गर्न तयार रहेको स्पष्ट पारेका छन् । काग्रेस र माओवादी कुन सिद्धान्तको जगमा टेकेर गठबन्धन गर्ने ? के जनता बेवकुफ छन् ? के सोचका छन् यिनले ?यस्तालाई जनताले भोट हाल्छन् ? हाल्दैनन् । रायमाझीले ठोकुवा गरेका छन् ।

प्रचण्डको राजनितीको यात्रा नरोकिने गरि ओरालो लागेको भन्दै उनले अब फेरी पनि निर्वाचन बाट एमालेले एकल बहुमतको सरकार बनाउँने दावी गरेका छन् । प्रचण्डले सबैलाई मैले बनाएको हुँ भन्छन् तर उनले बनाएको आफ्नो छोरी र बुहारीलाई मात्रै हो अरुलाई होइन भन्ने जवाफ पनि रायमाझीले दिएका छन् ।

ओटीभी नेपाल सँगको अन्तवर्ता अवधीभर माओवादी केन्द्रका अध्यक्ष प्रचण्ड प्रति निकै कडा रुपमा प्रस्तुत भएका रायमाझीले प्रचण्डले कुनै गाउँ बाट ल्याएर भेडा गोठालोलाई मन्त्री बनाएको भए उनले बनाएको भन्न हुन्थ्यो तर मलाई होइन टोपबहादुर आफ्नो क्षमता र हैसियतले बनेको हो । उनले भनेका छन् ।

के जनयुद्ध प्रचण्डले एक्लै लडेको हो ? मोहन बैधको योगदान छैन ? विप्लवको छैन ? बावुरामको ,टोपबबहादुरको भूमिका छैन ? अनि मैले सबैलाई बनाएँ भन्दै हिड्ने ? भन्दै प्रचण्डमाथी प्रश्नका बर्षा पनि उनले गरेका छन् । प्रचण्डको यहि प्रवृतीले उनको राजनिती सकिन लागेको दावी रायमाझीले गरेका छन् ।