अमेरिकाबाट बाहिरिएको यो एउटै सुचनाले नेपालको पुरै राजनिति तरङ्गित , सत्य भए के होला ?

अमेरिकाले विश्वभरका सूचनाहरु हरेक दिन दूतावास मार्फत संकलन गर्ने र ती सूचनाका आधारमा ती देशमा लागु गर्ने योजनाहरु बनाएर पठाउने गर्दछ ।

कूटनीतिक नियोगले पठाएका सबै रिपोर्ट सत्य हुँदैनन् । कुनै रिपोर्ट यस्तो हुन्छन् जसलाई फिल्टर गरेर बुझ्न पर्ने हुन्छ । यदि ती सूचना सत्य हुन्थे भने एमाले नेता भीम रावल र कांग्रेस नेता तथा पूर्वपरराष्ट्रमन्त्री डा. प्रकाशशरण महतलाई सोझै अमेरिकी एजेन्ट करार गर्नुपर्ने हुन्छ ।

किनकि विकिलिक्सद्वारा सन् २००९ जुन १८ विहिबार बिहान सवा नौ बजेको एउटा गोप्य रिपोर्टमा भीम रावललाई दूतावासको निकट सम्पर्कका ब्यक्ति भनी किटान गरिएको छ ।

उक्त रिपोर्टमा विदेश सम्बन्धमा सन्तुलन राख्नुपर्ने परराष्ट्रमन्त्रीकै हैसियतमा रहेका तत्कालिन परराष्ट्रमन्त्री कपी शर्मा ओलीले अमेरिकी राजदूत समक्ष उल्टै आफ्नो पार्टीका नेतामाथि भए, नभएका आरोप लगाएको उल्लेख छ ।

नेपालमा जेम्स एफ। मोरियार्टी कार्यरत रहँदाको रिपोर्टअनुसार केपी ओलीले अमेरिकी राजदूतलाई आफ्नै पार्टीका नेताहरु र प्रधानमन्त्री गिरिजाप्रसाद कोइरालाबारे नियमित पोल लाउने गर्थे भन्ने तथ्य उक्त रिपोर्टमा छ ।

उपप्रधान तथा परराष्ट्रमन्त्री रहँदा उनी उपचारको क्रममा शिक्षण अस्पताल महाराजगञ्जमा भर्ना भएका थिए । त्यसक्रममा भेट्न आएका राजदूत मोरियार्टीलाई सन् २००७ को जनवरी २३ मंगलवार, अर्थात् ०६३ साल माघ ९ गते भएभरका नेताबारे झोसपोल लगाएका हुन् ।

माधव नेपाल प्रधानमन्त्री भएपछि सरकारमा भीम रावल गृहमन्त्री नियुक्त भएका थिए । दूतावासले फेरि आफ्नो देशलाई लेख्यो, ‘उहाँ हाम्रो निकट सम्पर्कको व्यक्ति हुनुहुन्छ ।’

लेखिएको छ, ‘अति गोप्य इमेल हो त्यो ।’ सन् २००७ जनवरी २५ को विहान ९ बजेर ४ मीनेट जाँदा राजदूतको तर्फबाट गरिएको ७८ सय ९२ अक्षरयुक्त टेलिग्राम (केवल) मा यो कुरा प्रष्टसँग लेखिएको थियो ।