माओवादी केन्द्र र एमालेबीच हुँदैछ चुनावी गठबन्धन ? बाहिरियो गोप्य सुचना !

चुनावमा हुने हारजीतको आंकलन गरेर नेकपा एमालेले फेरि माओवादी केन्द्रसँग एकताको प्रयत्न थालेको खबर बाहिरिएको छ ।

सत्ता गठबन्धनमा सामेल माओवादी केन्द्र र प्रमुख प्रतिपक्ष नेकपा एमालेबीच नेकपा विघटनपछि राजनीतिक तहमा दुस्मनीपूर्ण सम्बन्ध छ । एकले अर्कोलाई सत्तोसराप गर्छन् । पार्टीबाटै अलग्गिएर बनेको नेकपा एकीकृत समाजवादीको त एमालेले अस्तित्व समेत स्वीकारेको छैन ।

यो स्थितिमा माओवादी केन्द्रको आठौं महाधिवेशन उद्घाटनमा अध्यक्ष पुष्पकमल दाहाल एमालेप्रति केही नरम देखिए । एमाले महासचिव शंकर पोखरेलले एकता जोगाउन नसकेकोमा पश्चाताप गरेपछि दाहालले पुन बहस हुनुपर्ने धारणा राखे । राजनीतिक प्रतिवेदनमा उनले बिचार मिल्ने शक्तिबीच वैचारिक र सांगठनिक एकीकरणको प्रस्ताव नै गरेका छन्।

के यसले एमाले र माओवादी केन्द्रबीच तिक्ततापूर्ण सम्बन्ध सुधार्दै हिमचिम बढ्न थालेको संकेत गर्छ रु तीनै तहका निर्वाचनको सम्भावित रणनीति हेरेर सहकार्य गर्न खोजिएको हो रु

नेकपा विभाजनपछि केन्द्रदेखि सबै प्रदेशमा प्रतिपक्षमा पुगेको र राष्ट्रियसभाको निर्वाचनमा आफूलाई एक्ल्याउने गठबन्धनको रणनीतिले एमालेलाई थप ससंकित बनाएको छ । तर यथास्थितिमा अहिलेको सत्ता समिकरण टुट्ने र एमाले तथा माओवादी केन्द्रबीच सहकार्य हुने भने देखिन्न ।

एमाले अध्यक्ष केपी ओलीले संसद विघटन गरेदेखि गठबन्धनमा आबद्ध भएका दलहरूको सहकार्य कहाँसम्म पुग्छ त्यो यसै भन्न सकिने अवस्था छैन । तर एमसीसी लगायतका विवादीत विषयले गठबन्धन भत्किन सक्ने भन्दै कांग्रेसले समेत एक्लै अघि बढ्ने विषयलाई अहिले थाती राखिरहेको छ।