लण्डनमा भाइरल मन्त्रीको हरिबिजोग भए पछि ..

भाइरल मन्त्रीको रुपमा चिनिने संस्कृती, पर्यटन तथा नागरिक उड्ययन मन्त्री प्रेम ओलेको बेलायत स्थित लण्डन शहरमा हरिबिजोग भएको खुलासा भएको छ ।

केहि समय अघि एक कार्यक्रममा भाग लिन लण्डन जाँदा १२ लाखकोे हवाइ विल बनाएर साथै रक्सी , रोलेक्स घडि लगायतका महंगा चिजहरुको भन्सार नतिरी ल्याएर ठूलो रकम झ्वाम पारेको आरोप लागेका आले लण्डनमा रहँदा राम्रै सित पीडित बन्नु परेको बताइएको छ।

लण्डनमा रहँदा आफ्नो कन्तविजोग भएको खुलासा स्वयं मन्त्री आलेले गरेका छन् । आफुले जान्न भन्दा भन्दै पर्यटन बोर्डका सिइओले लण्डन लगेको र मन्त्री जस्तो मान्छेलाई कतै बोल्न पनि नदिने र राम्रो व्यवस्थापनमा खान बस्न पनि नदिएर रक्सी मात्रै खाउँ भनेर सिइओले दिनु सम्म दुख दिएको आलेले बताएका छन् ।

बेलायत जाँदा आफुलाई बेलायत स्थित नेपाली राजदुतावासमा राखिएको त्यस बखत प्रधानमन्त्री शेरबहादुर देउवा पनि बेलायतमै भएका कारण दुतावासका सबै कर्मचारीहरु देउवा सहभागी कार्यक्रममै गएका कारण आफुले गाडी पनि नपाएको र खाना खान पनि नपाएको दुखेसो आलेले गरेका छन् । यति सम्मकी मन्त्री जस्तो मान्छेलेले खाना खान पनि एक्लै रेस्टुरेन्टमा गएर गोजिको पैसा तिरेर खानु पर्ने अवस्था सम्म आफ्नो भएको आलेले भनेका छन् ।

बेलायत लगेर आफ्नो विजोग बनाएको भन्दै मन्त्री ओलले पर्यटन बोर्डका सिइओ धनञ्जय रेग्मी माथी चर्को आक्रोस ओकलेका छन् । रेग्मीलाई छाडा साँढेनै भन्दै आलेले मुख छाडेका छन् । यस्ता साँडेलाई पदमा राखेर पर्यटन बोर्ड चल्न नसक्ने भन्दै आफ्नो भएभरको रिस ओलेले रेग्मी सँग एकै पटक पोखेका छन् ।

आलेले आफ्नो इमान बेचेर मन्त्रीको कुर्सीमा नबस्ने बताएका छन्।शुक्रबार नेपाल पर्यटन बोर्डको २३ औँ वार्षिकोत्सवमा बोल्दै मन्त्री आलेले इमान बेचेर मन्त्रीको कुर्सीमा नबस्ने बताएका हुन्। उनले हाल छानबिनका क्रममा रहेका बोर्डका सिईओ धनञ्जय रेग्मीले टोयोटाका गाडी बेचेर आफ्नो इमान किन्न खोजेको भन्दै आक्रोश व्यक्त गरे।

मन्त्री आलेले सिईओ रेग्मीकै कारण बेलायतमा भएको विश्व पर्यटन मेलामा नेपालको बेइज्जत भएको भन्दै रक्सीको मातमा उन्मत्त भएका मानिसलाई संस्थाको सिईओ बनाउँदा संस्था चल्न नसक्ने बताए। उनले सिईओ रेग्मीलाई साँढेको संज्ञा दिँदै आफ्नो इमान किन्ने कुरा सपनामा पनि नसोच्न चेतावनी दिए।

मन्त्री आलेले आफ्नो मन्त्रालय अन्तरगतका संघसंस्थाहरुमा विकृतिहरुको चाङ भएकोले सम्हाल्नै गाह्रो भइरहेको बताए। उनले पहिला काले काले मिलेर भाले खाए पनि अब प्रेम आले आएकोले भ्रष्टाचार हुन नदिने बताए।

मन्त्री आलेले डब्लूटिएमको कार्यक्रममा जाँदा बोर्डबाट ८० लाख खर्च भएको भन्ने सुनेको भन्दै त्यसको छानबिन गर्न माग गरे। उनले सबै खाने खर्च आफूले व्यहोरेकाले खर्चको बारेमा छानबिन गरेर कारबाही गर्नुपर्ने बताए।

मन्त्री आलेले आफ्नो संस्थाप्रति उत्तरदायी भएर काम गर्न सबै कर्मचारीहरुलाई निर्देशनसमेत दिए।