महामन्त्री भए पछि पहिलो पटक सार्वजनिक मंचमा पुगेका गगन थापाले के भने ?

नेपाली काग्रेसको १४ औँ महाधिवेशनबाट महामन्त्री पदमा निर्वाचित भएका गगन कुमार थापा पहिलो पटक सार्वजनिक मंचमा देखा परेका छन् ।

आफ्नो वाककलाकै कारण सानो उमेरमै नेपाली काग्रेसको महामन्त्री बन्न सफल भएका थापाले नेपालमा पोलिटिकल एक्सपेरिमेन्ट धेरै भएकाले अब फेरी व्यवस्था परिवर्तनको आवश्यकता नभएको बताएका छन् । अब व्यवस्था होइन जनताको अवस्था फेर्न लाग्नु पर्ने थापाले बताएका छन् ।

नेपाल जेसिसको पद्स्थापन समारोहलाई एलोफ्ट होटल, ठमेलमा शुक्रबार सम्बोधनका क्रममा उनले यस्तो बताएका हुन्। नेपालमा अब अर्को ‘पोलिटिकल एक्सोपेरिमेन्ट’एक्सपेरिमेन्ट गर्ने समय छैनु, उनले भने, ‘अहिलेको व्यवस्थालाई नै बलियो सबल र सुदृढीकरण गरेर अघि बढ्नुपर्छ।’

उनले अब अर्को राजनीतिक परिवर्तनतिर लाग्दा देश ३० वर्षपछि धकेलिने बताएका छन्। अब पनि ‘पोलिटिकल एक्सोपेरिमेन्ट’गरे नेपाल ३०र३५ वर्षपछि धकेलिन्छु, उनले भने, ‘आजको ३० वर्षपछि नेपाललाई बुढ्यौली लाग्छ। जापान जस्तो हुन्छ।’

उनले राजनीतिक परिवर्तनको चक्करमा लाग्दा देश झनै बिग्रिने बताए। ‘राजनीतिज्ञले देशका लागि केही गरेन भनेर अहिले आक्रोश छ। त्यो आक्रोश जतिबेला पनि विस्फोट हुनसक्छु, थापाले भने,’युवामा ब्याप्त आक्रोश न्यून गर्न जेसिसले भूमिका निर्वाह गर्नु पर्छ।

उनले जेसिसमा आवद्ध कसैले पनि दलमा आवद्ध छैन भन्न पाउने बताए। ‘जेसिसमा आवद्धले म राजनीतिक दलमा आवद्ध छैन भन्न पाउँछ। तर राजनीतिभन्दा बाहिर छु भन्न मिल्दैन। जेसिसले लिबरल डेमोक्रेसी भन्दा बाहिर जान पाउँदैन। जेसिसले युवालाई लिबरल डेमोक्रेसीबारे चेतना दिनु आवश्यक छ।’

उनले नेपाललाई जागिर खोज्ने भन्दा सिर्जनात्मक मान्छेको आवश्यकता रहेको पनि बताएका छन्। नेपाललाई ‘जब सिकरुभन्दा ‘जब क्रियटरु मान्छे चाहिएको छ। जेसिसले च्यारिटी मात्रै नगरोस्’, उनले भने, ‘जेसिसमा आवद्ध साथीहरु कुनै न कुनै ब्यवसायमा हुनुहुन्छ। च्यारिटी सँगै बिजनेस आइडिया प्रचारर गर्न आवश्यक छ।’