प्रचण्डले काग्रेस सँग पार्टी एकता गरे हुन्छ हामी गर्दैनौँ :मोहन वैद्य किरण

नेकपा क्रान्तिकारी माओवादीका महासचिव मोहन वैध किरणले नेकपा माओवादी केन्द्रका अध्यक्ष पुष्पकमल दहाल प्रचण्ड सुध्रिनै नसक्ने गरि बिग्रिसकेको आरोप लगाएका छन् ।

ओटीभी नेपाल डटकम सँगको विशेष कुराकानीमा महासचिव बैद्यले प्रचण्डले जस्तो सुकै प्रतिवेदन ल्याएँ भनेर गफ दिए पनि त्यसको कुनै तुक नरहेको बताएका छन् । शब्द के लेख्यो भन्दा पनि सार के हो भन्ने कुरा महत्वपुर्ण रहको भन्दै उनले प्रचण्डले ल्याएको प्रतिवेदनबाट कोहि पनि उत्साहित बन्नु पर्ने अवस्था नरहेको बताएका छन् ।

प्रचण्डले शब्दजाल बुनेर अर्को भ्रमको खेती मात्रै गर्न खोजेको महासचिव बैद्यले आरोप लगाएका छन् । माओवादी आफ्नो निती र सिद्धान्तबाट धेरै पर पुगिसकेको भन्दै उनले फेरी सुध्रिएला भन्ने आफुलाई नलागेको बताए । माओवादीको ओज जनयुद्धमा मात्रै भएको भन्दै उनले अहिले प्रचण्ड संसदीय भाषमा नमज्जा सँग जाकिएको बताए ।

अहिले काग्रेस एमाले भन्दा पनि चर्को संसदवादी बनेर प्रचण्ड निस्कीएको भन्दै वैद्यले संसदवादी मान्छेले जस्तो सुुकै राम्रो प्रतिवेदन ल्याए पनि त्यसले खास ठूलो अर्थ नराख्ने बताएका छन् । केपी ओलीले संसद विघठन गर्दा संसदीय व्यवस्था रक्षा गर्ने ठेक्का मेरै हो जसरी प्रचण्ड लागेको होइन? अनी यिनी बाट के आशा राख्ने ?बैद्यले भनेका छन् ।

पूर्व माओवादी घटक विच एकता गर्ने कुरा चलिराछ के तपाईहरु प्रचण्ड सँग एकताको लागी तयार हो ? भन्ने ओटीभी नेपालको प्रश्नमा महासचिव वैद्यले प्रचण्ड सँग एकताको कुनै सम्भावना नरहेको ठाडो जवाफ दिएका छन् । बरु उनले काग्रेस सँग एकता गर्दा राम्रो हुने सुझाव दिएका छन् ।

काग्रेसको भन्दा चर्को उदारवादी निती र संसदीय व्यवस्थाको वकालत गरेर हिड्ने प्रचण्डले हामी सँग होइन काग्रेस सँग पार्टी एकता गर्दा राम्रो हुन्छ ,हामी गर्दैनाँै । वैद्यले भनेका छन् । कुन दिन प्रचण्डले काग्रेस सँग पार्टी एकतानै गर्न पनि बेर नलाउँने उनले बताएका छन् ।

निती र सिद्धान्त बाट च्यूत भएको र सत्ता र शक्तीका लागी जे पनि गर्ने प्रवृती प्रचण्डमा रहेको आरोप वैद्यले लगाएका छन् । एमालेसँग एकता गरेकै हो त्यो भत्ताभुंग भयो अब काग्रेस सँग पनि एकता गर्न के बेर ?कुन निती र सिद्धान्तमा काग्रेस र माओवादी फरक छ र ? उनले भनेका छन् ।

राष्ट्रिय स्वाधिनता र स्वाभिमानको सवालमा प्रचण्डको अडान के हो ? एमसीसीका बिषयमा उनको पार्टीको प्रष्ट निर्णय के हो ? भन्दै वैद्यले प्रश्न गरेका छन् । लिपुलेक लिम्पीयाधुराको बिषय छ यसमा उनीहरु दरो सँग उभिन सकेका छैनन् अनी यस्तो र उस्तो प्रतिवेदन ल्याएँ भनेर हुन्छ ? यी सब कुराहरु वाइयात हुन्् । उनले भनेका छन् ।

राजा हटाएर गणतन्त्र ल्याएँ भन्छन् प्रचण्ड के अहिले प्रचण्डको जिवनशैली राजाको भन्दा कम छ ? भनेर पनि उनले प्रश्न गरेका छन् । राजा त हटाए यो साँचो कुरा हो हामी सबै मिलेर हटायौँ तर प्रचण्डनै नयाँ राजा बनेका बैद्यले भने । माओवादी जनयुद्धमा देखेको अधुरा सपनाहरु पुरा गर्न आफुहरु शक्ति आर्जनमा रहेको पनि वैद्यले भनेका छन् ।