भर्खरै बर्षमानले प्रचण्डलाई चिनबाटै फोन गरेर मलाई नभए उहाँलाई महासचिव बनाउँनुस् भनेर टिपाए नाम !

काठमाडौँमा जारी नेकपा माओवादी केन्द्रको ८ औँ राष्ट्रिय महाधिवेशनको अन्त्य तिर आइपुग्दा महासचिवको बिषय थप पेचिलो बन्दै गएको छ । महासचिव बाट आफ्नो नाम आउट भएको सुइँको पाउँने वित्तिकै बर्षमान पुनले अध्यक्ष प्रचण्डलाई फोन गरेका छन् ।

हाल स्वास्थ्य उपचारका सिलसिलामा चिनमा रहेका पुनले अध्यक्ष प्रचण्डलाई महासचिवमा आफ्नो दावी कायम रहको बताएका छन् । पुनले फोन गरेर दबाव दिए पछि प्रचण्ड थप अप्ठेरोमा परेका छन् । आफुुलाई महासचिव नबनाउँने हो भने उनले प्रचण्ड सँग नयाँ सर्त राखेको पनि बताइएको छ ।

चिनबाट प्रचण्डलाई फोन गरेका बर्षमानले सकेसम्म आफुलाई नै महासचिव बनाउँन र नसक्ने हो भने शक्ति बस्नेतलाई महासचिव बनाउँन प्रचण्ड सँग सर्त राखेका छन् । पुनको यस्तो सर्तले माओवादी केन्द्रको महाधिवेशन थप पेचिलो बन्दै गएको छ । प्रचण्डले नो भन्न नसक्ने गरि पुनले दवाव दिएको बताइएको छ ।

सुरु देखिनै माओवादी केन्द्रको महासचिवमा जनार्र्दन शर्मा र बर्षमान पुनले दाबी गर्दै आएका थिए । माओवादी केन्द्रमा धेरै प्रचार प्रसार र हल्ला हुँदा अप्ठेरो पर्ने डरले उनहरुले आफ्नो गतिविधीलाई भित्रभित्रै संगठित गरे पनि अहिले खुलेर लागेका छन् । प्रचण्डले भने पुन र शर्मा दुवैलाई छोडेर देव गुरुङलाई महासचिव बनाउँने तयारी गरेको बताइएको छ । यसले बिषय थप रोचक बनेको छ ।

बर्षमान पुनले आफु केहि केहि दिनमै डिस्चार्ज भएर नेपाल आउँने भन्दै प्रचण्डलाई निर्वाचन प्रक्रियानै स्थगित गर्न अनुरोध गरेका थिए । यदि प्रक्रिया नै अगाडि बढाउने हो भने आफूले महासचिवको दावी नछोड्ने तर सहमतिका लागि छाड्न परे शक्ति बस्नेतलाई दिनु पर्ने अडान राखेका छन् ।

माओवादी केन्द्र भित्र जनार्र्दन शर्मा र बर्षमान पुनका विचमा प्रचण्डको उत्तराधिकारी को बन्ने भन्ने बेजोड प्रतिष्पर्धा रहेको बताइन्छ । पुन र शर्मा दुवै प्रचण्डको उत्तराधीकारी बनेर भावी पार्टी नेतृत्वमा स्थापित हुने दौडधुपमा छन् । पार्टी भित्र शर्मा र पुन एकअर्काको अस्तित्वनै स्विकार गर्न नसक्ने अवस्थामा रहेको बताइन्छ ।