देउवालाई थोरै मात्रै पनी लाज हुन्थ्यो भने ….

नेपाल माथी सँधै भरी दादागिरी र हेपाह प्रवृती राख्दै आएको छिमेकी मूलुक इण्डीयाले हालसालै दोस्रो पटक नेपाली भूमी समावेश गरेर नक्सा जारी गरेको छ । त्यसको केहि दिनमै नेपालका प्रधानमन्त्री शेरबहादुर देउवा इण्डीया भ्रमणमा जान लागेका छन् ।

प्रधानमन्त्री पत्नी आरजू देउवा केहि दिन अघि नै इण्डीया पुगेर उच्च स्तरीय भेटघाट गरिरहेकी छिन् । निर्लज्जताको पराकाष्ठ कति सम्म भने पहिलो पटक नेपाली भूमी लिपुलेक ,लिम्पीयाधुरा समावेश गरेर इण्डीयाले नक्सा जारी गर्दा तत्कालिन केपी ओली नेतृत्वको सरकारले उक्त भूमी समावेश गरेर नेपालले पनि नक्सा जारी गरेको थियो तर अहिले देउवा भने इण्डीयको मेजमानी खान जाँदैछन् ।

केहि समय अघि महाकाली नदिमा तुइन तर्ने क्रममा इण्डीयन एसएसबीले तुइनको तार काटिदिएर एक जना नेपाली युवक जय सिंह धामीको ज्यान गयो ,नेपाली सरकारले ठोस कदम चाल्न सकेन इण्डीयाले हेपेको हेपै भयो , हालै उसले दोस्रो पटक नेपाली भूमि समेटेर नक्सा जारी गर्यो नेपाल सरकार चुइक्क बोलेन बरु आतिथ्यता स्विकार गरेर देउवा मेजमानीमा जान कस्सीए ।

इण्डीयाले नेपाली भूमी समावेश गरेर नक्सा जारी गरे पछि राजनितीक तबरमा उच्च स्तररिय भ्रमण हुन सकेको थिएन । परमादेशबाट शेरबहादुर देउवा प्रधानमन्त्री हुने वित्तिकै देखी सुरु भएको पहलले सार्थकता पाएको छ । इण्डीयाको यस्तो दादागिरीको छाँयामा परेर नेपालका प्रधानमन्त्रीले इण्डीया भ्रमण गर्न नहुने कुरा पनि जोडतोडले उठिरहको छ ।

केहि दिन अघि मात्रै नेपाली भूमी समेटेर नक्सा जारी गरेको इण्डीयाको मेजमानी खान जानु देउवाको गम्भिर भूल भएको चर्चा पनि कुटनितीक वृतमा उठ्न थालेका छन् । परराष्ट्र मामिलाका एक जना विज्ञले ओटीभी नेपाल डट कम सँग कुराकानी गर्दै देउवामा थोरै मात्रै पनी लाज भन्ने जिनीस भएको भए यस्तो गर्नै नसक्ने जिकिर गरेका छन् ।

भारतको गुजरातस्थित गान्धीनगरमा हुन लागेको ‘भाइब्रेन्ट गुजरात ग्लोबल समिट’मा भाग लिन प्रधानमन्त्री शेरबहादुर देउवा २० सदस्यी प्रतिनिधिमण्डलसहित आइतबार त्यसतर्फ प्रस्थान गर्दैछन् ।

इण्डीयार नेपालका परराष्ट्र मन्त्रालयले देउवाको भ्रमण सूचीलाई संयुक्तरुपमा सार्वजनिक गर्ने तयारी थालेका छन् । तर, परराष्ट्रदेखि प्रधानमन्त्री स्रोतका अनुसार देउवाले गुजरातमै सम्मेलनको दौरान भारतीय समकक्षीसँग साइडलाइन वार्ता गर्ने भएका छन् ।

बुधबार बसेको मन्त्रिपरिषद् बैठकले देउवाको गुजरात भ्रमणलाई स्वीकृति समेत प्रदान गरेको छ । पर्यटनमन्त्री प्रेमबहादुर आलेका अनुसार रासायनिक मल आयात, ऊर्जा ब्यापार, हवाइ रुट, सीमालगायतका विषयमा भारतसँग कुरा हुनेबारे प्रधानमन्त्रीले मन्त्री र सचिवलाई जानकारी गराएका छन् ।

मन्त्री आलेका अनुसार भैरहवास्थित गौतमबुद्ध क्षेत्रीय अन्तर्राष्ट्रिय विमानस्थलबाट हुने हवाइ रुटको लागि भारतसँग प्रधानमन्त्रीले कुरा गर्ने जनाइएको छ । तर, भ्रमणमा नेपाल–भारत रेलसेवाको उद्घाटन भने नहुने भएको छ । प्रधानमन्त्रीको प्रतिनिधिमण्डल २० सदस्यीय हुने बताइएपनि यसबारे औपचारिक जानकारी आउन बाँकी छ ।

नेपाल एयरलाइन्सको नियमित उडानबाट देउवा दिल्ली पुग्नेछन् । अन्य यात्रु त्यहीँ झरेपछि देउवा सोही बिमानबाट गुजरात पुग्ने कार्यक्रम छ । भाइको उपचारको लागि दिल्लीमा रहेकी देउवा पत्नी आरजु राणा पनि त्यहीँबाट सामेल हुने जनाइएको छ ।

नेपाली टोलीमा प्रधानमन्त्री, उनकी पत्नी, सचिवालयका सदस्य, परराष्ट्रमन्त्री, अर्थ र परराष्ट्र सचिव, मन्त्रालय र दूतावासका अन्य कर्मचारी सहभागी हुने भएका छन् । नेपाली सेनाका चार तथा अनुसन्धानका एक–एक गरी ६ जना सुरक्षाकर्मी पनि सामेल हुने भएका छन् ।

परराष्ट्र प्रवक्ता सेवा लम्सालले आइतबार प्रधानमन्त्री त्यसतर्फ जाने निश्चित भएपनि विस्तृत जानकारी भारत र नेपालले संयुक्तरुपमा सार्वजनिक गर्ने तयारी भैरहेको बताइन् ।

भारतीय प्रधानमन्त्री नरेन्द्र मोदीले पुस २६ गते भाइब्रेन्ट गुजरात समिटको उद्घाटन गर्नेछन् । सो सम्मेलनमा देउवासहितका पाँच मुलुकका सरकार प्रमुखले भाग लिनेछन् । नेपालको सेमिनार पहिलो दिनमै बिहान साढे १० बजेदेखि १२ बजेसम्म हुने भएको छ ।

देउवाको यो राजकीय भ्रमण चाहिँ होइन । देउवाले यो भ्रमणलाई राजकीय बनाउन चाहे पनि भारतले स्वीकार नगरेको स्रोतको दावी छ । देउवासहितको टोली भ्रमणको तेस्रो दिन गुजरातको मन्दिर सोमनाथको दर्शनमा जाने र पुस २८ मा दिल्ली हुँदै काठमाडौं फर्कने कार्यक्रम छ ।

देउवा र मोदीबीच दुई महिनाअघि स्कटल्यान्डको ग्लास्गोमा राष्ट्रसंघीय जलवायु सम्मेलन (कोप–२६)को क्रममा भेट भएको थियो ।