अब माधव नेपालको च्वाइस, सच्चीने की सक्कीने ?

लामो समय देखी नेकपा एमालेमा जारी रहेको विवाद अव वार की पारको अवस्थामा पुगेको छ । एमाले अध्यक्ष केपी ओली पक्ष र वरिष्ठ नेता माधव कुमार नेपाल पक्ष विच जारी लफडाको अन्तिम किनारा अब लाग्ने नेताहरुले दावी गरेका छन् ।

पार्टी एकताका लागी अधिकतम लचिलो बन्न भन्दै नेकपा एमालेआज गर्ने तय भएको केन्द्रीय कमिटी बैठक भोलिसम्मका लागि स्थगित गरिएको छ । केन्द्रीय कार्यालय सचिब शेरबहादुर तामाङका अनुसार आज बोलाइएको केन्द्रीय कमिटी र स्थायी कमिटी बैठक सोमवार बिहान ११ बजेसम्मका लागि स्थगित गरिएको छ ।तामाङका अनुसार स्थायी कमिटी बैठकपछि सोमवार दिउसो तीन बजे केन्द्रीय कमिटी बस्ने छ ।

एमाले स्रोतका अनुसार पार्टीको विवाद समाधानका बिषयमा माधव नेपाल पक्ष केही लचिलो भएकोले त्यसमा थप छलफल गर्नका लागि आजको बैठक स्थागित गरिएको हो । विघटित कार्यदलका सदस्यहरुले यस विषयमा हिजो पनि छलफल गरेको र आज पनि छलफल गरेर अध्यक्ष केपी शर्मा ओली र नेता माधव नेपालबीच भेटघाट गराउन अन्तिम कसरत गरिरहेका छन् । दुई नेताबीच सहमति कायम गराउन पहल भइरहेकोले आजको बैठक स्थगित गरिएको हो ।

माधव नेपाल समूहलाई पटक पटक मौका दिइरहँदा पनि मौकाको सदुपयोग नगरेको र यसलाई पनि कमजोरी सोचिए महंगो पर्ने नेकपा एमालेका एक नेताले ओटीभी नेपाललाई बताए । केहि दिन अघि काठमाडौंमा बसेको माधव पक्षको बैठकले पनि एकतामै जोड दिएको भन्ने कुराका आधारमा हामीले उनिहरुलाई अन्तिम मौका दिएका छौ यसलाई पनि कमजोरी ठोनेर घुर्कि लगाएर बस्छन् भने उनीहरुलाई धेरै महंगो पर्ने छ । अब माधव नेपालको च्वाइस हो सक्कीने वा सच्चिने उनले भने ।

यता माधव समूहले भने पार्टी एकता लागी ओलीले माफी माग्नु पर्ने सम्मको सर्त राखेर एक हप्ताको सयम अवधी दिएका छ । माधव कुमार नेपाल स्वयं पनि ओली सँग कुनै हालतमा मिलेर जान नहुने पक्षमा रहको स्रोतको दावी छ । हिजो मात्रै पनि एक कार्यक्रममा नेता नेपालले ओलीले गालीको बर्षा गरिराखेका कारण झुकेर जान नुहुने मत राखेका थिए । नेपाल समूह भित्रै ठूलो तप्का जसरी भए पनि पार्टी एक गराउँनु पर्ने पक्षमा रहका कारण नेपाल चेपुवामा परेको स्रोतको दावी छ ।

अबको दुइ दिन नेकपा एमालेका लागी निकै महत्वपूर्ण हुने देखीन्छ । दुवै पक्ष आफ्नो अडान बाट एक कदम लचक हुँदै समझदारीमा आए भने एमाले एक भएको सन्देश कार्यकर्ताले भोली सम्म पाउँन सक्ने देखीन्छ भने फेरी पनि मेरो गोरुको बाह्ै टक्का गरेमा एमाले विभाजनमै नपुग्ला पनि भन्न सकिन्न । माधव नेपाललाई साथ दिइरहेका दोस्रो पुस्ताका अधिकांश नेताहरु पार्टी एकताका पक्षमा उभिएका छन् भने तस्रो पुस्ताका केही नेताहरु ओली सँग झुक्न नहुने पार्टी फुटाएरै भए पनि सरकारमा जानुपर्ने पक्षमा देखिन्छन् ।