जनयुद्धमा होमिएका र टाउकाको मूल्य समेत तोकिएका व्यक्तिलेनै भने ‘प्रचण्डसँग अब खाओवादी मात्रै बाँकी छन्’

नेकपा माओवादी केन्द्रका अध्यक्ष पुष्पकमल दहाल प्रचण्डले पार्टीको ८ औँ महाधिवेशनमा प्रस्तुत गरेको प्रतिवेदन भ्रमको पुलिन्दा मात्रै भएको आरोप लागेको छ ।

८ बर्ष सम्म तत्कालिन विद्रोही माओवादीले संचालन गरेको जनयु द्धमा प्रत्यक्ष सामेल भएका र प्रचण्ड सँग एउैटै मोर्चामा समेत सँगै रहेर काम गरेका डा ऋषिराज बरालले नेकपा माओवादी केन्द्रको ८ औँ महाधिवेशनमा प्रचण्डले प्रस्तुत गरेको प्रतिवेदन उपर कडा टिप्पणी गरेका छन् ।

ओटीभी नेपाल डट कम सँगको विशेष कुराकानीमा डा बरालले प्रचण्डको प्रतिवेदन विल्कुल भ्रमको खेती मात्रै भएको बताएका छन् । प्रचण्ड पहिले देखीनै भ्रमको खेती गर्न निकै सिपालु भएको भन्दै उनले यस पटक पनि प्रचण्डले अर्को भ्रमको नाटक गरेको आरोप लगाएका छन् ।

प्रचण्डले फेरी एक पटक कलाविहीन नाटक गरेको भन्दै डा बरालले उनको यो भ्रमित खेल बाट कोही पनि भ्रममा पर्न नहुने बताएका छन् । आज सम्म शब्दजालमा खेलेर मात्रै प्रचण्डले आफ्नो राजनिती टिकाएको भन्दै डा बरालले फेरी पनि उनले शब्दजालमा खेलेर अर्को भ्रम दिन खोजेको जिकिर गरेका छन् ।

प्रचण्डले आफ्नो प्रतिवेदनमा उल्लेख गरेका कुराहरु कुनै पनि व्यवहारिक जीवनमा प्रयोग नगर्ने ठोकुवा पनि डा बरालले गरेका छन् । व्यापारीको घर बाट झुपडीमा डेरा सर्ने देखी लिएर कम्तीमा १५ दिन श्रम गर्ने भन्ने कुरा अहिले मान्छे झुक्काउँनका लागी मात्रै गरिएको जिकिर उनले गरेका छन् ।

यस अघि भएको हेटौँडा महाधिवेशनमा पनि यो भन्दा राम्रो प्रतिवेदन प्रचण्डले प्रस्तुत गरेको तर एउटा पनि कार्यान्वयन नभएको नजिर प्रस्तुत गर्दैै डा बरालले अहिले १५ दिन श्रम गर्ने भनिएको छ त्यति खेर त ३ महिना श्रम गर्ने भनिएको थियो केही प्रयोग भएन यो त सब प्रचण्डको फर्मुला मात्रै भएको भनेका छन् ।

अब के हुँदैछ समय कसरी अघि बढ्दैछ र कसलाई कसरी मुर्ख बनाउँन सकिन्छ भन्ने कला भने प्रचण्डमा बेजोड रहेको डा बरालले बताएका छन् । छिनमै रुन सक्ने छिनमै हाँस्न सक्ने बेजोडको कलाकारीता भने प्रचण्डमा रहेको उनले बताएका छन् । कोही भेट्न गयो भने प्रचण्ड जतीको महान नेता अरु कोहि छैन जसरी मख्ख बनाउँन सक्ने कला भने उनीमा रहेको डा बरालले बताएका छन् ।

अब प्रचण्ड सँग असली माओवादी कोही बाँकी नरहेको भन्दै डा बरालले माओवादी भन्ने नाम फेर्न पनि सुझाव दिएका छन् । अब प्रचण्ड सँग तरमारा, अवसरवादी र खाओवादीहरु मात्रै बाँकि रहेको जिकिर पनि उनले गरेका छन् । माओवीदी केन्द्र भनेर नाम लिएर हिड्ने अधिकार अब उनीहरुलाई नभएको धारणा डा बरालले राखेका छन्।

८ बर्ष सम्म माओवादी जनयुद्धमा प्रत्यक्ष सहभागी भएका र प्रचण्ड सँग टाउकोको मूल्य तोकिएका डा ऋषिराज बराल सँग समसामयिक राजनितीक बिषयलाई केन्द्रमा राखेर ओटीभी नेपाल डट कमले गरेको भिडियो कुराकानी हेर्नुहोस्