ओली र देउवा विच भएको गोप्य कुराकानी बाहिरीयो, प्रचण्ड र अग्नी सापकोटालाई तनाव बढ्यो !

सर्वोच्च अदालतको परमादेशबाट प्रधानमन्त्री बनेका शेरबहादुर देउवा अन्तत प्रमुख प्रतिपक्षी दल नेकपा एमालेका अध्यक्ष केपी ओलीलाई भेट्न ओली निवास बालकोटमै पुगेका छन्।

प्रमुख प्रतिपक्षी दल नेकपा एमालेले आफुले कारबाही गरेका माधव कुमार नेपाल लगायतका १४ जना सांसदहरुलाई सभामुख अग्नी सापकोटाले कारबाही नगरेको भन्दै लगातार संसद अवरोध गरिरहेको छ। यो सन्दर्भमा प्रधानमन्त्री र प्रमुख प्रतिपक्षी दलका नेता विच भएको भेटघाटलाई निकै अर्थपूर्ण रुपमा हेरिएको छ ।

प्रधानमन्त्री देउवा गठबन्धनका दलहरुको सँगको छलफलमै एमाले अध्यक्ष ओलीलाई भेट्न गएका थिए । माओवादी केन्द्रका अध्यक्ष पुष्पकमल दाहाल प्रचण्डले यस अघि ओलीलाई भेट्न आफु पनी देउवा सँगै बालकोट जाने बताएका थिए तर प्रचण्ड कोरोना संक्रमणका कारण जान पाएनन् । देउवा र ओली विच एक्लाएक्लै पनि गोप्य कुराकानी भएको थियो ।

ओली र देउवा विच कुराकानी पश्चात एमााले अध्यक्ष ओलीले प्रधानमन्त्री सँग आफ्नो कुराकानी राम्रो भएको संक्षिप्प प्रतिक्रिया दिएका छन् । आजको भेटमा ओली र देउवाविच वर्तमान राजनितीको विश्ल्लेषण सहित आगामी विषय बारे खुलेर कुराकानी भएको थियो ।

बालकोट स्रोतले दिएको जानकारी अनुसार प्रधानमन्त्री देउवाले एमाले अध्यक्ष ओलीलाई संसद अवरोध अन्त्य गरेर सहजरुपमा संसद चल्न दिन अनुरोध गरेका थिए भने उनले संसदमा विचाराधिन रहेको एमसीसी पास गर्न पनि एमालेको सहयोग मागेको बताइएको छ ।

एमाले अध्यक्ष ओलीले भने प्रधानमन्त्री देउवासँग आफ्नो पुरानो अडान कायम राखेको बताइएको छ । एमालेले सभामुख अग्नी सापकोटालाई बहिर्गमनको प्रमुख सर्त बनाएको छ । अग्नी सापकोटालाई सभामुखको कुर्सीमा राखेर एमालेले संसद चल्न दिने कुरा कठिन भएको ओलीले देउवालाई सुनाएको बताइएको छ ।

यस अघि सार्वजनिक रुपमा एमालेका शिर्ष नेताहरुले पटक पटक संसदको अवरोध हटाउँका लागी सभामुख अग्नी सापकोटाको राजिनामा र माधव नेपाल लगायतका एमालेले कारबाही गरेका १४ सांसदको पद खारेजी एमालेकको एजेण्डा रहेको बताउँदै आएका छन् ।

एमसीसीको सन्दर्भमा देउवाले मागेको सहयोगमा एमाले अध्यक्ष ओलीले यस विषयमा पहिला सरकारमा रहका दलहरुका विचमा ठोस निर्णय गर्न पनि देउवालाई सुझाएको बताइएको छ । सत्तारुढ दलहरुले निर्णय गरे पछि एमालेले पार्टी भित्र छलफल गरेर उपयुक्त निर्णय लिने ओलीले भनेको बताइन्छ ।