महरा जब नोस्टाल्जीक भएर कविता सुनाउँन थाले …

काठमाडौँमा नेकपा माओवादी केन्द्रको ८ अ‍ैाँ महाधिवेशनमा पार्टी पदाधिकारी छान्ने बाहेकका काम सकिएर केहि दिन फुर्सद मिलेका बेला रोल्पा पुगेका पूर्वसभामुख कृष्णबहादुर महराले कविता सुनाएका छन् । प्राय छाटो बोल्ने र बोल्दा खासै जाँगर पनि नचलाउँने आरोप लागेका महराले यस पटक कवितानै सुनाउँन थाले पछि उपस्थितहरु अचम्मीत भएका थिए ।

महराले रोल्पा पुगेर ४० वर्षअघि आफूले लेखेको कविता सम्झीएका थिए । अतीतका पलहरु सम्झीएर नोस्टाल्जीक भएका महराले कविता वाचन गरेर पनि सुनाएका थिए ।रोल्पाको सुलिचौरमा भएको साहित्य महोत्सवको प्रमुख अतिथि को उनी त्यहाँ पुगेका थिए ।

महराले कविताको पृष्ठभूमिबारे स्मरण गर्दै भने, ‘२०३८ सालमा नून बोक्ने भरियाको जीवनलाई अभिव्यक्त गर्न ‘हतारो’ पत्रिका प्रकाशन गरेका थियौँ । त्यतिबेला प्रमुख जिल्ला अधिकारीले तारेख लगाएका थिए । त्यो पनि विद्रोहको एउटा माध्यम थियो । उहाँको विरुध्दमा बोलेरै आज राजनीतिमा सहभागी भई देश परिवर्तनका लागि योगदान दिन पाएका छौँ ।’

‘हतारो’ पत्रिका प्रकाशनमा किमबहादुर थापा ‘सुनिल’, खगेन्द्र बिष्टलगायतको टिमको सहभागिता रहेको महराले स्मरण पनि महाराले गरेका थिए । सबै सन्दर्भहरु उल्लेख गर्दै महराले साहित्यले कसरी समाज परिवर्तनमा भुमिका खेलको हुन्छ भन्दै फेहरिस्त प्रस्तुत गरेका थिए ।

कुनै पनि साहित्य जुनसुकै समाजको ऐना भएको उल्लेख गर्दै उनले रोल्पा जिल्लाको बलिदान,त्याग, तपस्याको बारेमा लेख्न, बोल्न र प्रचार प्रवाह गर्न पनि आग्रह गरे । मन्तव्य सक्दै गर्दा त्यहि २०३८ सालमा केबिएमको नामबाट लेखेको ‘जनतालाई’ शीर्षकको कविता महराले वाचन गरेका थिए ।

यस्तो छ पूर्वसभामुख कृष्णबहादुर महराले रोल्पा पुगेर बाचन गरेको कविता

– केबिएम

उठ ए ! जनता हो !!
अझै लाटा भएर नबस,तिमीलाई यहाँ
अकालै मृत्युको खुमतिर धकेलिएको छ
तिमीलाई यहाँ आजै

तिम्रो मासुको भतेर लगाउन षड्यन्त्र रचिँदै छ
तिमी भने अझै चुप लागेर बसिरहेका छौ
कोही निदाइरहेका छौ
बुझ ए !
कर्म त तिमी आफैं बनाउन सक्छौ
तिमीले आफ्नो यात्रुलाई
राम्ररी चिनेर नाप्नै पर्दछ
उनीहरुले रगत पिउनै पर्दछ
तिमीहरू थोरै छैनौ

यहाँ
उठ मात्रै
तिमी जस्ता असंख्य सर्वहाराहरूले
तिम्रा काँध मिलाएर
साथ दिने छन्
तिमीलाई !1