गठबन्धन भत्काउँन काग्रेस तयार !

सत्तागठबन्धनमा रहेका दलहरुविच सम्बन्ध चिसिन थालेको छ । माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव कुमार नेपालको अनावश्यक दबावले प्रधानमन्त्री शेरबहादुर देउवा हैरान भएको बताइएको छ ।

पछिल्लो समय सत्तारुढ दलहरु विच स्थानिय तहको निर्वाचनका बिषयमा मत बाझिएको छ । सरकारको नेतृत्व गरिरहेको दल नेपाली काग्रेस वैशाखमानै स्थानिय तहको निर्वाचन गर्नु पर्ने पक्षमा देखिएको छ भने माओवादी केन्द्र र नेकपा एस लगायतका दलले वैशाखमा निर्वाचन गर्नु नहुने पक्षमा लविङ थालेका छन् ।

चुनाव गर्ने की नगर्ने भन्ने बिषयमा काग्रेस , माओवादी र नेकपा एस विच समझदारी बन्न सकेको छैन भने प्रमुख प्रतिपक्षी दल नेकपा एमालेले समयमै निर्वाचन नगर्ने षड्यन्त्र सुरु भएको भन्दै गठबन्धनको चलखेलको आलोचना गरेको छ । चुनावकै बिषयलाई लिएर गठबन्धननै भत्कन सक्ने सम्मका चर्चाहरु राजनितीक बजारमा चल्न थालेका छन् ।

रामचन्द्र पौडेल संयोजक रहेको सरकार संचालन उच्चस्तरीय संयन्त्रको बैठकमा समयमै स्थानिय तहको निर्वाचन गर्ने बिषयमा छलफल भएको सरकारका प्रवक्ता एवं संचार तथा सूचना प्रविधीमन्त्री ज्ञानेन्द्र बहादुर कार्कीले बताएका छन् । कार्कीले यति अमूर्त कुरा गरेका छन् की कहिले गर्ने ,कसरी गनर्,े लगायतका बिषयमा पत्रकारले सोधेका प्रश्नको जवाफ समेत उनले दिन सकेनन् । चुनाव गर्ने मात्रै एकोहोरो रटान लगाइरहे ।

वैशाखमा स्थानिय तहको निर्वाचन नगर्ने र एकै पटक तीनै तहको निर्वाचन गर्ने भन्दै प्रचण्ड र माधव नेपालले प्रधानमन्त्री देउवालाई दबाव बढाएको बताइएको छ । प्रमुख प्रतिपक्षी दल नेकपा एमाले र नेपाली काग्रेसकै अन्य प्रभावशाली नेताहरुले समयमै स्थानिय तहको निर्वाचन गर्नका लागी देउवालाई दबाव दिएका छन् ।

चुनाव नगर्न प्रचण्ड र माधव नेपालले दबाव दिए गठबन्धननै भत्काउन तयार हुन पर्ने मत पनि नेपाली काग्रेस भित्र चर्को रुपमा उठ्न थालेको छ। नेपालको संविधानले स्थानिय तहको नेतृत्व विहिन अवस्था कल्पनानै नगरेको भन्दै प्रचण्ड र माधव नेपालको कुरा सुनेर निर्वाचन सार्ने कुरा कल्पनानै गर्न नसकिने काग्रेस नेताहरुले बताउँन थालेका छन् ।

नेपाली काग्रेसका महामन्त्री गगन थापाले नेपाली काग्रेसले बरु गठबन्धन भत्कीए भत्कन्छ स्थानिय तहको निर्वाचन समयमै हुनु पर्ने बताएका छन् । गठबन्धन दलहरुको आन्तरिक बिषय र निर्वाचन संविधानको बिषय भन्दै थापाले संविधानलाई मिचेर चुनाव रोकेर गठबन्धन कायम राख्ने पक्षमा काग्रेस नरहेको प्रष्ट पारेका छन् ।

प्रधानमन्त्री एवं काग्रेस सभापती शेरबहादुर देउवा पनि समयमै चुनाव गराउँनका लागी प्रतिवद्ध रहेको भन्दै थापाले प्रचण्ड र माधव नेपालले नचाहँदैमा निर्वाचन हुँदैन भन्ने कुरा कल्पना पनि गर्न नसकिने बताए । संविधानलेनै तोकेको कुरामा अरु तर्क गरेर चुनाव नगराउँनु भनको केपी ओलीले संसद विघठन गुर्न जस्तै भएको थापाको भनाई छ ।

‘संविधानमा व्यवस्थानै नभएको कुरामा टेकेर तत्कालिन प्रधानमन्त्री केपी ओलीले संसद विघठन गराएको कुरालाई विरोध गरेर बनेको सरकारले संविधान बमोजिम सयमानै निर्वाचन गर्दिन भन्नै मिल्दैन त्यसो गरियो भने ओलीले गरेको संसद विघठन जस्तै असंवैधानिक काम हुन्छ । सदन ,सडक र पार्टी जहाँ लड्नु परे पनि हामी डटेर लड्ने छौँ’ । थापाले भनेका छन् ।

चुनाव गर्ने की रोक्ने भन्ने बिषय सत्तारुढ दल भित्र निकै पेचिलो बन्दै गएको छ । माओवादी केन्द्र र नेकपा एसले यथाअवस्थामा चुनावमा जाँदा नमिठो पराजय बेहोर्नु पर्ने आँकलन गरेरनै चुनाव सार्न खोजेको तर काग्रेस बरु गठबन्धन भत्काउँने तर निर्वाचन गराएरै छोड्ने मुडमा रहेको बताइएको छ ।