प्रेम ओलेले साँढे भनेका रेग्मी सुन तस्करीमा मुछिए !

सँस्कृती पर्यटन तथा नागरिक उड्ययन मन्त्री प्रेम आलेले साँढे नामाकरण गरिदिएका नेपाल पर्यटन बोर्डका सिइओ धनन्जय रेग्मीको अर्को काण्ड बाहिरिएको छ ।

बेलायत भ्रमण बाट फर्कदा अवैध रक्सी ल्याएर विमानस्थलमै हंगामा मच्चाएका रेग्मीको यहि प्रकरणको छानविन हुने क्रममा नयाँ तथ्य खुलेको छ । रक्सी ल्याएर विमान स्थलमै अभद्र व्यवहार देखाए पछि छानबिनको दायरामा आएका रेग्मीले सुन तस्करी पनि गर्ने गरेको खुलासा भएको छ ।

विभागीय मन्त्री आलेसँगै बेलायत पुगेका रेग्मीले बेलायतमा रहँदा पनि रक्सी खाएर मर्यादा भन्दा बाहिर गएर व्यवहार गरेको र उनकै कारण लण्डनमा आफुले ठूलो दुख पाएको मन्त्री आलेले बताइसकेका छन् । रक्सीका माहिर रेग्मी सुन तस्कर पनि रहेको खुलासा भए पछि ठूलो हल्लाखल्ला मच्चीएको छ ।

सिइओ रेग्मीले बेलायतबाट फर्किदा भन्सारमा रक्सी काण्ड मच्चाएकोमा छानविन समिति नै गठन भएपछि उनले माफी माफी मागेका थिए ।तर रेग्मीले भन्सारबाट नियमविपरित रक्सीमात्र होइन यसअघि सुन पनि भित्र्याउन खोज्दा जफत भएर जरिवाना तिरेको खुलेको छ ।

त्रिभुवन विमानस्थल भन्सार कार्यालयले रेग्मीले अवैध रुपमा चोरी पैठारीगरी ल्याएको ३० ग्राम सुन जफत गरेर जरिवाना गरिएको जानकारी दिएको छ । रक्सीको छानबिन गर्न खोज्दा सुन तस्करीको पोल खुले पछि रेग्मी वास्तवमै अप्ठेरोमा परेका छन् ।

भन्सार कार्यालयले संस्कृति, पर्यटन तथा नागरिक उड्डयन मन्त्रालयलाई पठाएको विवरणमा २०७४ पुस ९ गते विस्कुट आकारका तीन थान सुनका डल्ला जफत गरिएको र बिगो बमोजिम एक लाख ४० हजार ६८५ रुपैया जरिवाना हुने निर्णय भएको जनाइएको छ ।

रेग्मी कतार एयरलायन्सको उडानबाट नेपाल आउँदा अवैध रुपमा सो सुन ल्याएको भन्सार कार्यालयले जनाएको छ । रेग्मीमाथि छानविन भइरहेका बेला मन्त्रालयले रक्सी काण्डबारे विवरण माग्दा भन्सार कार्यालयले अवैध रुपमा सुन ल्याउँदा कारवाही भएको जानकारी दिएको हो ।

रेग्मीले भन्सार नियमविपरित रक्सी भन्सारबाट छिराउन खोज्दा कर्मचारीसँग झगडा परेको थियो । त्यसक्रममा भन्सार कर्मचारीमाथि दुव्र्यवहार गरेको भनी रेग्मीमाथि छानविन समेत भएको थियो ।

यसबीचमा रेग्मीले बोर्डमा अनियमितता गरेको भन्दै पर्यटन बोर्डले छानविन समिति गठन गरि अनुसन्धान गरिरहेको छ ।रेग्मीले ल्याएको सुन प्रकरणमा मुद्दाको किनारा भने २०७७ भदौमा लागेको थियो । त्यसको एक वर्षपछि गत पुसमा फेरि रक्सीको लफडा निस्किएको हो ।