मधेश प्रदेश र राजधानी जनकपुर बनाउनु ठुलो सफलताः प्रचण्ड

नेकपा माओवादी केन्द्र का अध्यक्ष पुष्पकमल दाहालले प्रदेश नम्बर २ को नाम मधेश प्रदेश राखेको सफलता भएको बताएका छन् ।

उनले आफ्नो पार्टीले उठाउँदै आएको पहिचानसहितको संघीयताको मर्मअनुसार नै प्रदेश नम्बर २ को प्रदेशसभा बैठकले प्रदेशको नाम मधेश प्रदेश राखेको र राजधानी जनकपुर बनाउन सफलता गरेकोमा सांसदहरुलाई बधाई ज्ञापन गरेका छन् ।

प्रचण्डले आज सामाजिक सञ्जाल फेशबुकमार्फत यस्तो लेखेका छन् “हार्दिक बधाई! हाम्रो पार्टीले उठाउदै आएको पहिचान सहितको संघीयताको मर्म अनुसार नै प्रदेश नं।२ को प्रदेश सभा बैठकले प्रदेशको नाम मधेस प्रदेश र प्रदेशमुकामरराजधानी जनकपुर बनाउन सफलता प्राप्त गरेकोमा माननीय प्रदेशसभाका सम्पुर्ण सदस्यहरु र मधेस प्रदेशका सबै न्यायप्रेमी जनसमुदायमा हार्दिक बधाई एवं शुभकामना व्यक्त गर्दछु।”

सोमबार प्रदेश २ को नाम मधेश प्रदेश पारित भएको हो । मधेश प्रदेश प्रस्तावको पक्षमा प्रदेशसभामा भएको मतदानमा मधेश प्रदेशको पक्षमा ८० जना प्रदेशसभा सदस्यहरुले मत दिएपछि प्रदेशको नाम मधेश पारित भएको हो।

मतदानमा कुल ९९ जना प्रदेशसभा सदस्यहरु सहभागी भएका थिए। यसअघि प्रदेशको स्थायी राजधानीका लागि जनकपुरधाम समेत पारित भइसकेको छ।

झन्डै ४ वर्षपछि प्रदेश २ को नाम र स्थायी राजधानी तय भएको हो। सोमबार प्रदेश २ को स्थायी राजधानी र नामकरणका लागि भएको मतदानमा राजधानी जनकपुरधाम र नाम मधेस प्रदेश प्रस्ताव दुई तिहाई बुहमतले पारित भएको हो।

विशेष संसदीय समितिको नामाकरणसम्बन्धी पहिलो प्रस्ताव ‘मधेस प्रदेश’ को पक्षमा ८० मत परेको छ। प्रदेशसभामा १०३ जना सदस्यमध्ये उपस्थित ९९ जना प्रदेशसभा सदस्यमध्ये ३४ जनाले विपक्षमा मतदान गरेका थिए।