जब एमाले अध्यक्ष ओलीलाई न्यूरोडको एक पसलमा गितार किन्दै गरेको भेटियो !

प्रमुख प्रतिपक्षी दल नेकपा एमालेका अध्यक्ष केपी शर्मा ओली समकालिन नेपाली नेताहरुमा निकै चतुर राजनितीक खेलाडीका रुपमा चिनिन्छन् ।

उखानटुक्का सहितको भाषणमा माहिर रहेका ओली बेला बेला अनेक कारणले चर्चामा आइरहेका हुन्छन् । विरोधीलाई चोटीला शब्दवाणले प्रहार गरेर खुत्रक्कै पार्न खप्पीस ओली कलात्मक र रसिला भाषणमा पनी उत्तीकै दख्खल राख्छन् ।

कम्युनिष्ट नेता भए पनि रामायण र महाभारतका प्रशंग देखी विश्वको भगोल र इतिहासमा समेत राम्रो दख्खल राख्न सक्ने ओली देश अनुसारको भेष भने जस्तै मास अनुसारको खास अवतारमा प्रस्तुत हुन सक्ने ल्याकत राख्दछन् । कलाकार सँग कलाकै कुरा, खेलाडी सँग खेलकै कुरा त विद्धान सँग दर्शनका कुरा गहिरो सँग गर्न सक्ने क्षमता उनीमा देखिन्छ् ।

केहि समय अघि प्रधानमन्त्री पदमा रहँदै बालुवाटारमा भएको एक साँस्कृतिक साझँमा ओलीले बासुरी र सारंगी बजाएको तस्बिर निकै भाइरल भएको थियो । ओलीको कलाकारिता मोह बारे त्यस बखत निकै चर्चा पनि भएको थियो । सकारात्मक, नकारात्मक दुवै कोणबाट निकै चर्चा त्यस बेखत भएको थियो ।

ओलीको अभिव्यक्तिलाई लिएर कतिपयले उनलाई नेता भन्दा अभिनेता भएको भनेर पनि टिप्पणी गर्दछन् । कतिपय हास्यकलाकारहरुले त हामीले भन्दा ओलीले बढि हसाउँन थाले सम्म भन्ने गर्दछन् । ओलीका रसिला, चोटिला, हँसिला भाषण सुन्नैका लागी पनि दर्शक झुम्मीने चर्चा चल्ने गरेको छ ।

ओली जति रसिलो तरिकाले बोल्ने र विरोधीलाई कडा प्रहारमा खप्पीस छन् भन्ने सबैलाई थाह छ साँच्चै उनी व्यक्तिगत जीवनमा पनि त्यत्तिकै रोमान्टीक र कलाप्रेमी रहेछन् भन्ने एक तथ्य खुलासा भएको छ । झट्ट सुन्दा रमाइलो र अनौठो लाग्ने तर वास्तविक कुरो बाहिरिएको छ ।

केपी ओली आफैँ न्युरोडको पसलमा गएर गितार किन्छन् होला भन्ने सुन्दा अपत्यारिलो र अनौठो लाग्न सक्छ तर त्यो दृश्य हास्यकलाकार जितुु नेपाल आफैँले देखेका रहेछन् । एमाले अध्यक्ष ओलीलाई न्युरोडको एक वाद्यवादन पसलमा गितार किन्दै गरेको जितु नेपालले आफ्नै आँखाले देखेको बताएका छन् ।

एक टेलिभिजन अन्तर्वातामा मुन्द्रे नामले चर्चित कलाकार जितु नेपालले एमाले अध्यक्ष ओलीले न्युरोडमा गितार किन्दै गरेर आफ्नै आँखाले देखेको बताएका छन् । बाटोमा कालो सिसा भएको गाडी रोकिराखेको रहेछ गाडीमा रहेका प्रहरीले आफुलाई चिनेर बोलेको भन्दै नेपालले त्यस बेलाको दृश्य वर्णन गरेका छन् ।

नेपालले भनेका छन् ‘ओलीका सुरक्षागार्ड त्यहाँ रहेछन् उनले मलाई दखेर नमस्कार गरेर बोले अनी तपाई किन यहाँ भनेर सोध्दा अध्यक्ष ओली ज्यू गितार किन्दै हुनुहन्छ भनेर पसल देखाए म त्यस पछि पसल भित्र गएर हेरेँ ओली साँच्चै गीतार सोधेर किन्दै गरेको देखेँ म त अचम्ममा परेँ ‘।

हाँस्य कलाकार नेपालले एमाले अध्यक्ष ओली नेता सँगै राम्रो कलाकार पनि भएको बताएका छन् । ओलीमा सेन्स अफ ह्युमर निकै राम्रो भएको भन्दै उनले ओली भित्रको कलाकारिताबाट आफु निकै प्रभावित भएको पनि बताएका छन् ।