ओलिको यो एउटै बोलिले झस्कियो गठबन्धन, एमाले कार्यकर्ता उत्साहित !

नेकपा एमालेका अध्यक्ष केपी शर्मा ओली जुनसुकै बेलामा निर्वाचन भए पनि आफूहरू सामना गर्न तयार रहेको बताएका छन्।

ओलाले आइतबार एक प्रेस विज्ञप्ति जारी गर्दै भनेका छन्, ‘हाम्रो पार्टी गत वर्षदेखि नै ताजा जनादेशको पक्षमा उभिएको र आज पनि हामी यो मान्यतामा अडिग छौं। हामी जुनसुकै बेलामा निर्वाचन भए पनि सामना गर्न तयार छौं।’

स्थानीय तह निर्वाचन भने पर धकेल्ने सत्ता गठबन्धनको प्रयास स्वीकार्य नहुने उनले बताएका छन्। संघीय चुनाव छिटो गर्ने बहानामा स्थानीय तहको निर्वाचन पर धकेल्न नपाइने अध्यक्ष ओलीको भनाइ छ।

ओलीले शेरबहादुर देउवा नेतृत्वको वर्तमान सरकार बनेपछि मुलुकमा सबैतिर समस्यैसमस्या मात्र भएको दाबी गरेका छन्। राज्यका तीनै अंगहरू कार्यपालिका, न्यायापालिका र व्यवस्थापिकाले काम गर्न नसकेको उल्लेख गर्दै ओलीले राष्ट्र नै असफल बन्ने जोखिम बढेको बताएका छन्।

‘राज्यका तीनवटै अङ्गहरू आज सङ्कटोन्मुख छन् र यसले राष्ट्रलाई नै असफलताको दिशातिर धकेल्ने जोखिम पैदा भएको छ,’ ओलीको वक्तव्यमा भनिएको छ।

ओलीले वर्तमान सरकारले अर्थतन्त्रलाई धरासायी बनाएको, लिपुलेक लिम्पियाधुरामा भारतले सडक बनाउँदासमेत चुप लागेर बसेको, एकतर्फी रूपमा सीमा अध्ययन समिति बनाएर चीनसँगको सम्बन्ध बिगारेको, विभिन्न मुलुकमा राजदूत नियुक्त नगरेको भन्दै आलोचना गरेका छन्।

यस्तै ओलीले आइतबार एक प्रेस विज्ञप्ति जारी गर्दै २४ लाखभन्दा बढी मात्रा खोप कहाँ हराएयो भनि प््रश्न गरेका छन् ।

एमाले अध्यक्ष ओलीले २४ लाखभन्दा बढी मात्रा खोप हराएको चरम गैरजिम्मेवार र लज्जास्पद अभिव्यक्ति सरकारी अधिकारीहरूले दिएको र खोप कसले बेच्यो भन्दै प्रश्न गरेका छन् ।

उनले विज्ञप्तीमा भनेका छन्,‘ २४ लाखभन्दा बढी मात्रा खोप हराएको चरम गैरजिम्मेवार र लज्जास्पद अभिव्यक्ति सरकारी अधिकारीहरूले नै दिइरहेका छन्
।

कहाँ गयो त्यति धेरै मात्राको खोप रु कसले लुकायो वा बेच्योरु यसका लागि को जिम्मेवार छरु एकातिर यति ठूलो मात्रामा खोप गायब पारिएको छ भने अर्कातिर भण्डारमा भएको खोपको सही वितरण हुन नसक्दा हजारौं नागरिकहरू खोपबाट बञ्चित छन् ।’