चित्रबहादुर केसीको पार्टी फुट्यो , देउवा र प्रचण्डको पछि लाग्दा यस्तो हविगत !

चित्रबहादुर केसी नेतृत्वको राष्ट्रिय जनमोर्चा विभाजित भएको छ । पछिल्लो समय गठबन्धनका नाममा काग्रेस , माओवादी केन्द्र र माधव नेपालहरु सँग सहकार्य गरे पछि जनमोर्चाको आन्तरिक पार्टीमा भने लगातार पहिरो गइरहेको छ ।

केहि समय अघि मात्रै जनमोर्चाको माउ पार्टी नेकपा मसाल बाट ठूलो समूहले विद्रोह गरेको थियो अहिले उसको खुल्ला मोर्चा जनमोर्चा पनि विभाजित भएको छ । मोहन विक्रम सिंह र चित्रबहादुर केसीलाई संसदीयभाषमा भाषिएको आरोप लगाउँदै असन्तुष्टहरुले पार्टी विभाजन गराएका छन् ।

पाका वामपन्थी नेता मोहनविक्रम सिंहले नेतृत्व गरेको नेकपा ९मसाल० केहीअघि विभाजित भएर तीन टुक्रा बनेको थियो । विभाजित दुई समूहमध्येको एउटा समूह यसअघि नै माओवादी केन्द्रमा प्रवेश गरिसकेको छ भने अर्को समूह भने बेग्लै पार्टी गठन गरेर ‘आक्रामक’ रुपले अघि बढिरहेको छ ।

पार्टी विभाजन भएको केही समयपछि शनिबार मसालकै वरिष्ठ नेता चित्रबहादुर केसीले अध्यक्षता गरिरहेको उक्त पार्टीको ‘चुनावी’ या ‘वैधानिक मोर्चा’ अर्थात् ‘राष्ट्रिय जनमोर्चा ९राजमो०’ समेत विभाजित भएर दुई टुक्रा बनेको छ । नेकपा (मसाल) बाट विभाजन भएर ‘नेकपा (मसाल) समन्वय समिति’ को केन्द्रीय समिति गठन गरेको पक्षले शनिबार ‘राष्ट्रिय जनमोर्चा’ को समेत ‘समन्वय समिति’ घोषणा गरेको हो ।

१५ माघमा भर्चुअल माध्यमबाट सम्पन्न विशेष राष्ट्रिय भेलाबाट ‘राष्ट्रिय जनमोर्चा, केन्द्रीय समन्वय समिति’ गठन गरेसँगै राष्ट्रिय जनमोर्चा विधिवत विभाजित भएको छ । विभाजित राजमोको केन्द्रीय अध्यक्षमा कृष्णराज पौडेल छन् भने उपाध्यक्षहरूमा चिन्तामणि पौडेल, सूर्या थापा र सुरेन्द्र भण्डारी छन् । त्यस्तै, महासचिव लालबहादुर जाग्री, कोषाध्यक्षमा ओमबहादुर केसी र सचिवमा गौरीलाल कार्की रहेका छन् ।

भेलाले ५१ सदस्यीय केन्द्रीय समिति चयन गरेको जानकारी सो पार्टीनिकट पत्रकार नारायण शर्माले दिएका छन् । यसअघि मंसिरमा विभाजित उक्त मोर्चाको ‘माउपार्टी’ अर्थात् ‘नेकपा ९मसाल० समन्वय समिति’ को संयोजकमा सन्तबहादुर नेपाली र प्रवक्तामा कृष्णराज पौडेल छन् । सो पक्षले मंसिरमै राष्ट्रिय भेला गरी ५७ जना केन्द्रीय सदस्य र ११ जना सल्लाहकार सहितको केन्द्रीय समन्वय समिति गठन गरिसकेको थियो ।

मोहनविक्रम सिंहले नेतृत्व गरेको पार्टी ‘संसदवादमा फसेको’ आरोपसहित विभाजित पक्षले वर्तमान संसदीय व्यवस्थाको विकल्पमा नयाँ जनवादी राज्यव्यवस्था स्थापनाका निम्ति अघि बढ्ने जनाएको छ । मोहनविक्रम–चित्रबहादुरहरूले पार्टीलाई दक्षिणपन्थी विचलनबाट डुबाएको आरोप लगाउँदै आन्दोलनलाई त्यसबाट रोक्न वैचारिक संघर्ष गर्ने उद्देश्यले समन्वय समिति गठन गरेको सन्तबहादुर–कृष्णराज पक्षको दाबी छ ।