शेखर कोइरालाले देउवालाई दिए दनक, चुनाव कहिले गर्ने भनेर प्रचण्डलाई होइन निर्वाचन आयोगलाई सोध्नुस् !

सत्तारुढ गठबन्धनले जेठमा स्थानिय तहको निर्वाचन गर्ने भनेर सामूहिक निर्णय गरेको भोलिपल्ट नेपाली काग्रेसका केन्द्रिय सदस्य शेखर कोइरालाले कडा प्रतिक्रिया दिएका छन् ।

नेपाली काग्रेसको १४ आँै महाधिवेशनमा सभापतीमा निर्वाचित शेरबहादुर देउवको निकटम प्रतिद्धन्दी भएका कोइरालाले कुनै पनि बाहनामा समयमै निर्वाचन गर्नु पर्ने संवैधानिक दायित्वबाट सरकार भाग्न नपाउँने बताएका छन् ।

सरकारमा सहभागी गठबन्धन दलका विच छलफल गरेर निर्वाचनको मिती तय गर्ने परिपाटी प्रति पनि कोइरालाले असन्तुष्टि जनाएका छन् । निर्वाचन आयोग सँगको समन्वयमा सरकारले निर्वाचनको मिती तोक्ने संवैधाननिक व्यवस्था रहेको स्मरण गराउँदै उनले देउवालाई प्रचण्ड सँग सल्लाह गरेर होइन निर्वाचन आयोग सँग सल्लाह गरेर निर्वाचनको मिती तोक्न भनेका छन् ।

कोइरालाले स्थानीय तहको निर्वाचन समयमै हुनुपर्नेमा पनि जोड दिएका छन् । विराटनगरस्थित कोइराला निवासमा आइतवार बिहान सञ्चारकर्मीसँग कुरा गर्दै उनले लोकतन्त्रमा अद्यावधिक निर्वाचन मौलिक हक भएकाले यो निर्वाचन कुनै बहानामा सार्न नहुनेमा जोड दिए ।

उनले सरकारले निर्वाचनका विषयमा सीधै निर्वाचन आयोगसँग छलफल गरी टुंगो लगाउनुपर्ने तर्क गर्दै ऐन कानून परिवर्तन गरेर निर्वाचन सार्न नहुने विचार व्यक्त गरे । उनले भने, ‘गठबन्धन दलसँगभन्दा पनि सरकारले निर्वाचन आयोगसँग छलफल गरेर निर्वाचनको मिति तोक्दा राम्रो हुनेछ ।’

केन्द्रीय सदस्य डा कोइरालाले पार्टीको १४औँ महाधिवेशनमा पराजित भएका वरिष्ठ नेतालाई केन्द्रीय सदस्यमा मनोनीत गर्न नेतृत्वलाई सुझाव पनि दिए । उनले प्रदेश १ को नामकरण दलको सहमतिमा हुनुपर्ने भन्दै खर्च बढ्ने गरी मन्त्रालय टुक्र्याउने र मन्त्रीको सङ्ख्या बढाउने कुराले सुशासनमा असर पर्ने धारणा राखे ।

देशको आर्थिक अवस्थालाई ध्यानमा राखेर प्रदेश सरकारले आफ्नो सरकार विस्तार गर्नुपर्ने र प्रदेश सरकार पारदर्शी, जवाफदेही र उत्तरदायी हुनुपर्ने उनले बताए ।