स्थानिय तहको निर्वाचन हुने बल्ल आज बाट कन्फर्म भयो !

सत्तासिन पार्टी भित्रै देखिएको किचलोका कारण अन्यौलतामा रहेको स्थानिय तहको निर्वाचन अब भने हुने करिब पक्का भएको छ ।

प्रधानमन्त्री शेरबहादुर देउवाले मिती नै प्रस्तावित गरेर तयारीमा लाग्न निर्वाचन आयोग लगायतका सम्बन्धीत पक्षलाई आग्रह गरेका छन् । प्रमुख प्रतिपक्षी दल नेकपा एमाले लगायत कानुनविद र अन्य सरोकारवालाहरुले भने बमोजिमकै मितीमा देउवाले चुनाव हुने बताएका छन् ।

स्थानिय तहको निर्वाचन सम्बन्धी ऐनमा पदावधी सकिएको दुुई महिना अघिनै निर्वाचन गरिनु पर्ने प्रावधान भए पनि ढिलोमा जेठ ५ गते सम्ममा निर्वाचन हुनै पर्ने अवस्था थियो ,प्रधानमन्त्री देउवाले जेठ ४ गते देशैभर एकै चरणमा निर्वाचन गर्ने गरि तयारी गर्न निर्देशन दिएका छन् ।

देउवाले ४ जेठ २०७९ मा एकै चरणमा निर्वाचन गर्नेगरी मिति तोक्ने जानकारी गराएका छन् ।प्रधानमन्त्रीको सरकारी निवास बालुवाटारमा मंगलबार निर्वाचन आयोगका पदाधिकारीसँगको छलफलमा प्रधानमन्त्री देउवाले ४ जेठ २०७९ मै स्थानीय तहको एकै चरणमा निर्वाचन गर्नेगरी अब बस्ने मन्त्रिपरिषद् बैठकले मिति तोक्ने जानकारी गराएका हुन् ।

सोही छलफलमा प्रधानमन्त्री देउवाले एकै चरणमा निर्वाचन गर्न सक्ने नसक्नेबारेमा आयोगका पदाधिकारीसँग जिज्ञासा राखेका थिए । आयोगका पदाधिकारीले एकै चरणमा निर्वाचन गर्न सकिने जवाफ दिएपछि प्रधानमन्त्री देउवाले अब बस्ने मन्त्रिपरिषद् बैठकबाट ४ जेठ २०७९ निर्वाचन गर्ने मिति तोक्ने जानकारी गराएका हुन् ।

आयोगले स्थानीय तहका जनप्रतिनिधिको कार्यकाल ५ जेठ २०७९सम्म मात्र रहने र त्यसअघि नै निर्वाचन गर्नुपर्ने भन्दै सरकारलाई ताकेता गर्दै आइरहेको थियो ।

यसअघि सोमबार कांग्रेस सभापतिसमेत रहेका प्रधानमन्त्री देउवाले पार्टीका नेताहरूसँगको भेटमा ४ जेठमै निर्वाचन हुने जानकारी गराइसकेका थिए ।नेपाली कांग्रेस बागमती प्रदेशका प्रतिनिधिहरूसँग बालुवाटारमा भेटघाटको क्रममा प्रधानमन्त्री देउवाले स्थानीय तहको निर्वाचन ४ जेठमा गर्ने जानकारी गराएका हुन् ।