अघि बढ्यो एमाले, माधव नेपाललाई आफ्नो औकातमा बस्न ओलीको चेतावनी

एमाले वरिष्ठ नेता माधव कुमार नेपाल पक्षको घुर्किका विच नेकपा एमाले अघि बढेको छ । पार्टी एकताका लागी प्रयास गर्ने भन्दै हिजो एक दिनका लागी स्थगित भएको बैठक कुनै प्रगति हुन नसके पछि आज बसेको छ ।

तुलसीलाल आमात्य प्रतिष्ठानमा अहिले जारी बैठकमा एमाले अध्यक्ष ओली माधव नेपाल विरुद्ध आक्रामक रुपमा प्रस्तुत भएका छन् । नेपाल समूहले ओलीले माफी माग्नु पर्ने बटमलाइन राखेको बेला अध्यक्ष ओलीले वरिष्ठ नेता नेपाललाई आफ्नो ओकातमा बस्न चेतावनी दिएका छन् ।बैठकको अध्यक्षता गदै ओलीले एमालेमा फर्किएर काम गर्न चाहनेका लागि जहिले पनि स्वागत रहेको भन्दै अब कसैलाई पर्खेर नबस्ने प्रष्ट पारेका छन् ।

केन्द्रीय कमिटी बैठकलाई सम्बोधन गर्दै अध्यक्ष ओलीले तल्ला कमिटीका गतिबिधिहरु नरोक्न निर्देशन समेत दिएका छन् । उनले पार्टी जेठ २ अघिकै अवस्थामा पुगेको भन्दै माधव नेपाल पक्षमा लागेका तर पार्टी काममा आउन चाहनेलाई विना संकोच काममा लगाउन समेत आग्रह गरेका छन् ।ओलीले बैठकमा भने–तलका कमिटीका काम विल्कुल नरोक्नुस । आउने साथीहरुलाई विना संकोच काम दिनुस् तर कहिले आउलान् भनेर पर्खेर नबस्नुस् ।

ओलीले माधव नेपालबाट यसपटक भएको गल्ति सानो तिनो नरहेको भन्दै अझै पनि आफूले माफी दिएको बताए । विपक्षी पार्टीलाई प्रधानमन्त्री बनाउन फ्लोर क्रस गर्ने कुरा सामान्य अपराध नभएको ओलीको भनाइ छ ।

ओलीले माधव नेपाल पक्षले उल्टै केपी ओलीलाई सच्चिने अन्तिम मौका भनेर फरमान जारी गरेको भन्दै अब सैह्य नहुने बताए ।
ओलीले भने–केपी ओलीलाई सच्चिने अन्तिम मौका छ,माफी माग भनेछन् । मैले दाम चढाएर उनले जस्तो वरिपरि घुमेर माफी माग्नु पर्ने रे ।

अध्यक्ष ओलीले वरिष्ठ नेता माधवकुमार नेपालले आफूलाई तथानाम भनेको भन्दै आक्रोस पोखेका छन् ।बैठकलाई सम्बोधन गर्दै ओलीले सबै कुरा भनिसकेपछि पनि आफूलाई मेलमिलाप नगरेको आरोप लगाएको टिप्पणी गरे ।

‘तथानाम भनिसकेपछि,’ नेता नेपालको नाम नलिइकन उनले भने, ‘प्रतिक्रियावादी, प्रतिगामी, संविधान विरोधी, अलोकतान्त्रिक, तानाशाह सबै कुरा भनिसकेपछि अनि मेलमिलापको संस्कृति, गठबन्धनको संस्कृति, पवित्र गठबन्धनको संस्कृति निर्माण बिकास गर्न लागेका छौं रे।’

शनिबार दोलखाका कार्यकर्तालाई भर्चुअल सम्बोधनमा नेता नेपालले पार्टी एकता, सरकार र ओलीमाथि लामो व्याख्या गरेका थिए। उनले ओलीलाई प्रतिगामी र तानाशाही भएको आरोप लगाएका थिए। त्यसको जवाफ आज ओलीले दिएका हुन्।

ओलीले नेता नेपाल आवद्ध सत्तारुढ गठबन्धनतर्फ लक्षित गर्दै यसको संस्कृति प्रगतिशिल र जनपक्षीय शक्तिका विरुद्ध आक्रमण गर्ने रहेको आरोप लगाए। ‘बहुदलीय प्रतिष्पर्धात्मक प्रणालीमा उहाँहरुको श्विास होइन,’ उनले भने, ‘अपवित्र गठबन्धन र अपवित्र गठबन्धनको साँठगाँठ । त्यस संस्कृतिको काम के भन्दा प्रगतिशिल र जनपक्षीय शक्तिका विरुद्ध आक्रमण भन्दै ओलीले आक्रोस व्यक्त गरे ।