धेरै दिन टिकेन प्रचण्डको झुटको खेती, एमसीसी पास गराउँन यती सम्म गरेको खुलासा !

नेकपा माओवादी केन्द्रका अध्यक्ष पुष्पकमल दहाल प्रचण्डले विवादित अमेरिकी सहयोग परियोजना एमसीसीमा डबल रोल खेलिरहेको प्रमाणित भएको छ ।

प्रधानमन्त्री शेरबहादुर देउवाले केही समय अघि बेलायत भ्रमण बाट फर्कदाँ आफु र प्रचण्डले एमसीसी पास गर्न तयार छौँ भनेर अमेरिकालाई पत्रनै लेखेका छौँ भनेर बोलेका थिए । प्रचण्डले सो कुराको खण्डन गरे पनि अहिले आएर उनको दाबी गलत सावित भएको छ ।

देउवा र प्रचण्डले एमसीसी पारित गर्न तयार छौँ भनेर पाँच महिनाको समयावधी मागेर अमेरिकालाई पत्र लेखेको पुष्टि भएको छ । एमसीसीकी उपाध्यक्ष फतिमा सुमारलेनै देउवा र प्रचण्डले एमसीसी पारित गर्ने प्रतिवद्धता सहित पत्र लेखेको खुलासा गरिदिएकी छिन् ।

एक राष्ट्रिय दैनिक पत्रिकालाई अन्तवार्ता दिँदै एमसीसी उपाध्यक्ष सुमारले गत सेप्टेम्बर २९ (असोज १३) मा प्रधानमन्त्री देउवा र अध्यक्ष प्रचण्डबाट संयुक्त पत्र प्राप्त दिएको बताएकी छिन् । फतिमाका अनुसार देउवा र प्रचण्डले राजनीतिक सहमति प्राप्त गर्न र संसद्बाट सम्झौतालाई अनुमोदन गर्न ४ देखि ५ महिनाको समय लागि अनुरोध गरेका थिए ।

एमसीसीले देउवा र प्रचण्डलाई उनीहरुले गरेको प्रतिवद्धता सम्झाउँदै अनुरोध पत्र लेखिसकेको पनि खुलेको छ । फतिमाले भनेकि छिन् उहाँहरूले माग गरेको समयअवधिलाई एमसीसी सम्मान गर्छ । र, समयमै सम्झौता अनुमोदन गरेर आफ्ना प्रतिबद्धतालाई सम्मान गर्न पनि उहाँहरूलाई आग्रह गरिएको छ । जसको समयसीमा उहाँहरूले पत्रमार्फत तोक्नुभएको हो, त्यो म्याद फेब्रअरी २८ नै हो ।

अन्तवार्ताका क्रममा सुमारले एमसीसीमा कुनै संशोधन हुन नसक्ने पनि प्रष्ट पारेकी छिन् । एमसीसी उपाध्यक्षको यस्तो खुलासा सँगै राजनिती थप पेचिलो बन्न सक्ने देखिएको छ । एमसीसीले संसदबाट अनुमोदन हुनका लागी फ्रेबुअरी २८ सम्मको समय दिएको छ जुन अबको २० दिन जती मात्रै बाँकी हो ।

नेपालको संसदले एमसीसी पारित गरे पनि नगरे पनि नेपाल र अमेरिका विच बर्षौ देखी रहँदै आएको समबन्धमा भने कुनै फरक नआउँने उनले प्रष्ट पारेकी छिन् ।