प्रचण्डको झुट सार्वजनिक भए पछि माओवादी केन्द्रमा उठ्यो यस्तो प्रस्ताव !

नेकपा माओवादी केन्द्रका अध्यक्ष पुष्पकमल दहाल प्रचण्डले प्रधानमन्त्री शेरबहादुर देउवा सँग संयुक्त हस्ताक्षर गर्दै एमसीसी बोर्डलाई लेखेको पत्र सार्वजनिक भए पछि माओवादी केन्द्र भित्र चर्को असन्तुष्टि देखिएको छ ।

माओवादी केन्द्रले महाधिवेशन बाटनै संस्थागत रुपमै संशोधन विना एमसीसी पास गर्न नसकिने निती लिएका बेला पार्टी अध्यक्ष प्रचण्डले एमसीसी बोर्डलाई लेखेको पत्र सार्वजनिक भए पछि उनी निकै आलोचित भएका छन् । गठबन्धन जोगाउँन पत्र लेखेको भनेर प्रचण्डले प्रष्टिकरण दिए पछि उनको थप आलोचना भइरहेको छ ।

माओवादी केन्द्रका अधिकांश नेताकार्यकर्ताहरुले घुमाउरो तर्क गरेर प्रचण्डको बचाउ गर्न खोजे पनि त्यसरी पत्र लेखिनु गलत थियो भन्ने कुरा स्विकार गरेका छन् । माओवादी नेताहरुले विभिन्न कोणबाट मत अभिमत प्रकट गरिरहेका छन् । यसै विच संघिय सांसद समेत रहेका माओवादी केन्द्रका नेता सुदन किराँतीले नयाँ प्रस्ताव गरेका छन् ।

एमसीसी संसदको सामान्य बहुमत बाट पारित गर्नै नमिल्ने भन्दै किराँतीले यसलाई जनमत संग्रह गरेर छिनोफानो गरिनु पर्ने प्रस्ताव गरेका छन् । राष्ट्रिय स्वाधिनताको बिषय भएका हुनाले यसमा निर्णय गर्ने अधिकार नेपाली जनतालाईनै दिनु पर्ने तर्क उनले गरेका छन् ।

किरातीले एमसीसी बारे जनमत संग्रह वा गोलमेच सम्मेलन गरेर टुंगोमा पुग्नुपर्ने बताएका छन् । उनले प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्डले एमसीसीलाई पत्र लेखेर गल्ती गरेको पनि बताए ।

संसद्को अन्तर्राष्ट्रिय सम्बन्ध समितिको सोमबार बसेको बैठकमा एमसीसीबारे संसदीय समितिले नै आफ्नो धारणा बाहिर ल्याउनुपर्ने बताए । ‘हामीले भनौं, सकिन्छ भने जनमत संग्रह गरौं, सकिन्न भने गोलमेच सम्मेलन गरेर एउटा आवाज निर्माण गरौं,’ सांसद् किरातीले भने ।

एमसीसी राष्ट्रघाती भएको बताएका सांसद् किरातील यो राष्ट्रिय स्वाधीनताको विषय बनेकाले पनि जनमतसंग्रह वा गोलमेच सम्मेलन गर्नुपर्ने बताए । उनले एमसीसीलाई सामान्य बहुमतले पास गर्न नहुने बताए । उनले एमसीसी अमेरिकाको इण्डो प्यासिफिक रणनीति अन्तर्गतको भएकाले पनि संसद्को सामान्य बहुमतबाट पास गर्न नहुने मत राखेका हुन् । सांसद् किरातीले एमसीसीलाई लिएर अहिले देश नै विभाजित भएका पनि बताए ।