डा केसीको ठाडो चुनौती, एमसीसीको सबैभन्दा जान्ने कोहो म सँग बहसमा आओस् !

नेपालमा एमसीसीको बिषय निकै पेचिलो बनेर वार की पारको अवस्थामा पुगेका बेला अमेरिकी सहायक विदेश मन्त्री डोनाल्ड लुले प्रधानमन्त्री शेरबहादुर देउवा , एमाले अध्यक्ष केपी ओली र माओवादी केन्द्रका अध्यक्ष केपी ओलीलाई धम्कीपुर्ण टेलिफोन गरे पछि राजनिती तरंगित भएको छ ।

चर्चित राजनितीक विश्लेषक डा सुरेन्द्र केसीले नेपालका नेताहरु कहि न कँहि फसि सकेका कारण अब उनीहरुलाई गारो हुन सक्ने बताएका छन् । अब वार की पार गर्ने नै गरि मालिक अघि बढेको हुन सक्ने भन्दै डा केसीलै माल खाइसकेकोहरुलाई अब गारो पर्ने बताएका छन् ।

ओटिभी नेपाल डककम सँगको विशेष कुराकानीमा डा केसीले नेपाली जनताले चाहिँदैन भन्दा भन्दै अमेरिकाले किन जबर्जस्ती गरिरहको छ भनेर पनि प्रश्न गरेका छन् । अनुदान भनेको छ लिनेले चाँहिदैन भन्दै छ दिनेले जबर्जस्ती गरिरहेको छ यो के पारा हो ?भन्दै उनले प्रश्न गरका छन् ।

नेपालमा एमसीसीको सबैभन्दा जान्ने कोहो उसलाई आफु सँग बहसमा आउँन पनि डा केसीले चुनौती दिएका छन् । एमसीसीको सबैभन्दा जान्ने हुँ भन्ने सँग नेशनल मिडियामा बहस गर्न तयार रहेको भन्दै डा केसीले नेपाली जनता विपक्षमा रहेको कुरालाई जबर्जस्ती गरिनु ठिक नहुने बताएका छन् ।

डा केसीले प्रधानमन्त्री शेरबहादुर देउवा र एमसीसीमा हस्ताक्षर गर्ने तत्कालिन अर्थमन्त्री एवं हालका संचार तथा सूचना प्रविधीमन्त्री ज्ञानेन्द्र बहादुर कार्कीको एमसीसीमा के लेखिएको छ भनेर पढ्ने ल्याकत नभएको दाबि गरेका छन् ।

अमेरिकीहरुलेनै लेखेको र यिनीहरुले त हस्ताक्षर मात्रै गरेको जिकिर डा केसीले गरेका छन् । मूल सम्भौता भन्दा बाहेक ९ सय पृष्ठको छुट्टै सम्झोता भेटियोरे ?के ९ सय पृष्ठ भित्र के लेखिएको छ भनेर पढ्ने धैर्यता होला त शेरबहुर देउवासँग ? यस्तो कुरा पनि कसैले पत्याउँछ ? भन्दै उनले प्रश्न गरेका छन् ।

एमसीसी जतीनै राम्रो भए पनि नेपाली जनताले चाँहिदैन भने पछि किन जबर्जस्ती पास गर्नु पर्ने ?भन्दै केसीले सरकार सँग जवाफ मागेका छन् । नेपाली जनतानै यसको विपक्षमा भए पछि आफु पनि कुनै पनि हालतमा एमसीसी पास गर्नु हुन्न भन्ने पक्षमा रहेको केसीले स्पष्ट पारेका छन् ।

एमसीसी राम्रो छ र भन्ने र एमसीसीको विषयमा सबैभन्दा जान्ने म हुँ भन्ने सँग प्रत्यक्ष बहसमा आउँन पनि डा केसीले चुनौति दिएका छन् । एमसीसीमा सबैभन्दा जान्ने म हँ भन्ने को हो उ म सँग बहसमा आओस् नेशनल मिडियामा बहस गर्न तयार छु तर दोस्रो तस्रो सँग गर्दिन सबैभन्दा जान्ने हुँ भन्नेनै आओस् । डा केसीले चुनौति दिएका छन् ।

पूर्वप्रधानमन्त्री बावुराम भट्टराईले एमाले नेता भिम रावलललाई नक्कली पिएचडी भनेको बिषयमा डा केसीले त्यसो भने उनको पिएचडी चाँही सक्कली होली नी त म बावुराम सँग एमसीसीको बिषयमा बहस गर्न चाहन्छु तयार हो ? भन्दै च्यालेन्ज गरेका छन् ।

सत्तागठबन्धनमा खटपट आएको र गठबन्धन भत्कन सक्ने बिषयमा डा केसीले अरु कारणले होइन काग्रेस र एमाले मिलेर सभामुख अग्नी सापकोटालाई छोए भने चाँहि गठबन्धन भत्कन सक्ने बताए । एमसीसी सभामुख सापकोटाकै कारण रोकिएको हो भने उनलाई आफुले स्यालुट गर्ने पनि केसीले बताएका छन् ।

एमसीसी सुरु गर्ने नै माओवादी हो भनेर लगातार प्रमाण सहित बोल्दै आएका केसीले यदि सभामुखलेनै एमसीसी रोकेका कारण हटाइयो भने कृष्णबहादुर महरालाई पनि यहि कारण हटाइएको प्रमाणित हुने बताएका छन् । एमसीसी रोकेकै कारण एमालेले सभामुख हटाएमा गल्ती हुने केसीले बताएका छन् ।