देउवा देखी प्रचण्ड सम्मलाई ठेगान लगाउँन एमालेले बनायो यस्तो काउण्टर रणनिती !

सत्तागठबन्धनलेनै प्रधानन्यायाधिश चोलेन्द्र शमशेर जबरालाई महाअभियोग प्रस्ताव पेस गरे पछि राजनिति तरंगित भएको छ । हठात रुपमा गठबन्धनले प्रधानन्यायाधिशलाई महाअभियोग पेस गरे पछि प्रमुख प्रतिपक्षी दल नेकपा एमाले काउण्टर रणनितिमा जुटेको छ ।

प्रमुख प्रतिपक्षी दल नेकपा एमालेका अध्यक्ष केपी ओलीले कडा शब्दमा सत्तागठबन्धनको कदमको आलोचना गरेका छन् भने उनले एमाले अब कुन रुपमा अघि बढ्छ भन्ने संकेत पनि प्रष्ट भाषामा दिएका छन् । एमालेले जस्ता लाई त्यस्तैको जवाफ दिने तयारी गरको बताइएको छ।

एमालेले भोली विहान ११ बजे पार्टी संसदीय दलको आकस्मीक बैठक बोलाएको छ भने जिल्लामा रहेका आफ्ना सम्पुर्ण सांसदहरुलाई रातभरीमा काठमाडाँै आइपुग्न निर्देशन पनि दिएको छ । भोलीनै संसद बैठक पनि बोलाइएको र एमाले संसदीय दलको बैठक पनि बस्न लागेकाले निकै अर्थपुर्ण रुपमा हेरिएको छ ।

प्राप्त जानकारी अनुसार एमालेले परमादेश जारी गर्ने बाँकी ४ जना न्यायाधिशलाई पनि महाअभियोग लगाउँने गरि तयारीमा जुटेको छ । पार्टी भित्र घनीभूत छलफल भइरहेको र कसरी काउण्टर रणनिती बनाएर अघि बढ्ने भनेर तयारी भइरहेको एमालेका एक नेताले ओटिभी नेपाललाई जानकारी दिए । ४ जना न्यायाधिशलाई महाअभियोग लगाउँने की सभामुख अग्नी सापकोटालाई पनि लगाउँने भन्ने बिषयमा एमालेमा कुराकानी चलिरहेको बताइएको छ ।

नेकपा एमालेका स्थायी कमिटी सदस्य अग्निप्रसाद खरेलले सर्वोच्च अदालतका चार जना न्यायाधीशविरुद्ध महाभियोगको प्रस्ताव दर्ता गर्ने विषयमा छलफल चलिरहेको बताएका छन् ।

न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराईविरुद्ध महाभियोगको प्रस्ताव दर्ता गर्ने कि नगर्ने भन्ने विषयमा पार्टीमा छलफल भइरहेको उनले बताएका हुन् ।

सत्ता पक्षधर ९८ जना सांसदले प्रधानन्यायाधीश चोलेन्द्रशमशेर राणाविरुद्ध आइतवार संसद सचिवालयमा महाभियोगको प्रस्ताव दर्ता गरेपछि एमालेले पनि बाँकी चार न्यायाधीशविरुद्ध महाभियोग दर्ता गराउने विषयमा छलफल थालेको उनले बताए ।

ुआज साँझ नेकपा एमालेको सचिवालयको बैठक बोलाइएको छ, त्यसमा पनि उक्त विषयमा छलफल हुन्छ,’ केपी शर्मा ओली सरकारका पूर्व महान्यायाधिवक्तासमेत रहेका खरेलले लोकान्तरसँग भने, ‘त्यसपछि भोलि एमालेको संसदीय दलको बैठकबाट पनि निर्णय भएर त्यस विषयमा टुंगो लाग्नेछ ।’

प्रतिनिधि सभा विघटन मुद्दाको फैसला गर्ने प्रधानन्यायाधीश चोलेन्द्रशमशेर राणासहित पाँचै जना न्यायाधीशविरुद्ध महाभियोगको प्रस्ताव दर्ता हुनुपर्ने एमालेले भन्दै आएको छ । अप्रत्यासित ढंगले हठात् राष्ट्रिय राजनीतिको कोर्स परिवर्तन गर्न तथा स्थानीय तहको चुनाव भाँड्न प्रधानन्यायाधीश राणाविरुद्ध महाभियोगको प्रस्ताव दर्ता भएको उनले आरोप लगाए ।