सांसदहरुलाई रातभरीमा काठमाडौँ आइपुग्न एमालेको निर्देशन, भोलिनै कडा स्टेप चाल्ने !

सत्तागठबन्धनलेनै हठात रुपमा प्रधानन्यायाधिश चोलेन्द्र शमशेर जबरा विरुद्ध महाअभियोग प्रस्ताव पेस गरे पछि प्रमुख प्रतिपक्षी दल नेकपा एमाले आक्रोसित भएको छ ।

आसन्न स्थानिय तहको निर्वाचन हुन नदिने षड्यन्त्र अन्तर्गत महाअभियोग प्रस्ताव आएको ठहर गर्दै एमाले काउण्टर रणनितिमा जुटेको छ भने उसले सत्तापक्षले प्रमुख प्रतिपक्षीलाई जिस्काएको अर्थमा बुझेको देखिन्छ ।

प्रधानन्यायाधिश विरुद्ध महाअभियोग प्रस्ताव ल्याउँदा कुनै समन्वय नभएको भनेको एमालेले आजै बेलुवा पार्टी सचिवालयको आकस्मिक बैठक बोलाएको छ भने भोलि बिहान ११ बजे संसदीय दलको बैठक पनि बोलाएको छ । एमालेले काठमाडाँै बाहिर रहेका आफ्ना सांसदलाई रातभरीमा काठमाडौँ आइपुग्न पनि सूचित गरेको छ ।

प्रधानन्यायाधिश चोलेन्द्र शमशेर जबरालाई मात्र महाअभियोग लगाएको अवस्थामा एमालेले अबको काउण्टर रणनिती तय गर्न सचिवालय र संसदीय दलको बैठक बोलाइएको हो । महाअभियोग चोलेन्द्रलाई मात्रै होइन परमादेश जारी गर्ने सबैलाई लगाउँनु पर्छ भन्दै आएको एमालेले त्यहि खालको रणनिती बनाएको बताइन्छ ।

एमालेले आफ्ना सांसदहरुलाई आज रातभरीमा काठमाडौ आइसक्न निर्देशन दिएको छ ।सत्तारुढ दलहरुले संसदमा प्रधानन्यायाधीशविरुद्ध महाअभियोग प्रस्ताव दर्ता गरेलगत्तै एमालेले आफ्ना सांसदहरुलाई यस्तो निर्देशन दिएको हो । एमालेले प्रधानन्यायाधीश विरुद्धको महाअभियोगलाई अप्रत्याशित भनेको छ ।

घोषणा गरिएको स्थानीय निर्वाचन भाँड्न, एमालेलाई उत्तेजीत गर्न र नयाँ षड्यन्त्रको थालनी गर्न सत्तारुढ दलहरुले यस्तो कदम चालेको एमालेको आरोप छ ।

सत्तारुढ दलले प्रमुख प्रतिपक्षसँग समन्वय नगरी प्रधानन्यायाधीशविरुद्ध महाअभियोग प्रस्ताव दर्ता गराएकाले उचित प्रतिक्रिया दिनुपर्ने एमाले प्रमुख सचेतक विशाल भट्टराईले भनेका छन् ।

उनले एमालेले महाअभियोगको प्रतिवाद गर्न बिशेष निर्णय लिनसक्ने बताए । ‘हामीले महाअभियोगको पक्षमा उभिने की नउभिने भन्नेमात्रै निर्णय गरेर पुग्दैन ।, भट्टराईले भने, यो परिस्थिती सिर्जना हुनका लागि जिम्मेवारविरुद्ध उपयुक्त निर्णय लिनुपर्छ ।’

नेकपा एमालेका अर्का एक सांसदले संविधानभन्दा बाहिर गएर परमादेश जारी गर्ने अन्य न्यायाधीशविरुद्ध पनि महाअभियोग दर्ता हुनसक्ने बताएका छन् । यसबारे भोली विहान ११ बजे संसद भवन बानेश्वरमा बस्ने एमाले संसदीय दलको बैठकले निर्णय लिने ति सांसदले बताए ।