अग्नी सापकोटालाई जोगाउँने हो भने यसो गर्नुस भन्दै देउवाले प्रचण्डलाई गरे यस्तो प्रस्ताव !

सत्तारुढ दललेनै प्रधानन्यायाधिश चोलेन्द्र शमशेर जबरालाई महाअभियोगको प्रस्ताव पेस गरेर राजनिती तरंगित भइरहेको अवस्थामा सभामुख अग्नी सापकोटालाई पनि महाअभियोग लाग्ने सक्ने सम्भावना देखिएको छ ।

प्रधानमन्त्री शेरबहादुर देउवाले अब बस्ने संसद बैठकमै एमसीसी टेबुल गर्ने निर्णायक पहल गर्ने तयारी गरेका छन् । माओवादी केन्द्रका अध्यक्ष पुष्पकमल दहाल प्रचण्डले अब बस्ने प्रतिनिधीसभाको बैठक बाट एमसीसी बारे छिनोफानो हुने बताइसकेका छन् ।

सभामुख अग्नी सापकोटाले एमसीसी सदनमा प्रस्तुत गर्न आनाकानी गरे त्यसो गर्ने वित्तिकै उनीमाथी पनि महाअभियोगको तयारी भएको खबर छ । प्रमुख प्रतिपक्षी दल नेकपा एमालेले एमसीसीको बिषय उठ्नु भन्दा अघिनै सभामखुलाई महाअभियोगको तयारी गरेको बताइन्छ । एमालेले पहिलेनै नल्याए काग्रेस र एमाले मिलेर भए पनि महाअभियोग ल्याइने काग्रेसका एक नेताले जानकारी दिए ।

प्रधानमन्त्री देउवाले एमसीसी पनि पास हुने र सत्तागठबन्धन पनि नटुट्ने गरि माओवादी केन्द्रका अध्यक्ष प्रचण्डले सँग एउटा प्रस्ताव गरेको स्रोतको दाबी छ । सभामुख सापकोटालाई एमसीसी टेबुल गराउँन गारो भएको हो भने उनको अनुपस्थितीमानै एमसीसी टेबल गर्न सकिने प्रस्ताव देउवाले प्रचण्डलाई गरेका छन् ।

सभामुख अग्नी सापकोटा अनुपस्थित भएको अवस्था संसदको जेष्ठ सदस्य महन्थ ठाकुरको हातबाट एमसीसी टेबुल गराउँने मोडल देउवाले अघि सारको बताइएको छ । सो मोडलमा प्रचण्ड तयार भए गठबन्धन बच्ने र सहकार्य अघि बढ्ने नभए एमाले सँग मिलेर एमसीसी पारित गराउँने र सभामुख पनि हटाउँने जनाउ प्रचण्डलाई देउवाले दिएका छन् ।

देउवाले अझैपनि सत्ता गठबन्धनबीच सहमति खोज्ने प्रयासलाई पहिलो प्राथमिकतामा राखेको काग्रेसका एक नेताले बताए। एमसीसी अनुमोदनमा सहमति नभए सभामुख हटाउनतिर आफूहर लाग्ने उनले बताए।

‘गठबन्धनबीच सहमति जुटाउने, सहमति नजुटे सभामुख अग्निप्रसाद सापकोटा हटाउन सत्ताबाहिर रहेका दलहरुसँग छलफल गर्ने र संसदको नियमावलीमा टेकेर अगाडि बढ्ने विकल्प छ,’ उनले भने।

यद्यपि, गठबन्धनको भविष्य अन्योलतर्फ नजाओस् भनेर प्रधानमन्त्री देउवा सचेत रहेको पनि उनले जिकिर गरे। ‘एमसीसी त जसरी पनि पास गर्ने हो। यसका लागि प्रधानमन्त्री प्रयासरत हुनुहुन्छ। विकल्पहरु पनि छन्,’ ती नेताले भने, ‘तर, उहाँको पहिलो प्रयास सहमतिमै छ। यसका लागि प्रधानमन्त्री लचिलो हुनुहुन्छ।’

‘प्रचण्ड सहमतिमा आउनुभयो भने सजिलै एमसीसी पारित हुन्छ। यस्तो अवस्थामा पारित हुने दिन सभामुख अनुपस्थित भएर सघाउनुहुन्छ,’ ती पदाधिकारीले भने, ‘अन्यथा कुनै अमूक दलले उहाँमाथि महाभियोग लगाउँछ।’

सभामुख अनुपस्थित भएको अवस्थामा जेष्ठ सदस्यको हैसियतमा लोकतान्त्रिक समाजवादी पार्टी ९लोसपा० का अध्यक्ष महन्थ ठाकुरको अध्यक्षतामा बस्ने संसद् बैठकबाट एमसीसी अनुमोदन हुने दाबी पनि ती नेताले गरे।