जिब्रोको गानो नजाने भएर कुर्लिएका गगन !

केहि समय अघि ओटीभी नेपाल डट कम सँगको एक अन्तवार्तामा वरिष्ठ अधिवक्ता एवं राजनितिक विश्लेषक वोर्ण बहादुर कार्कीले नेपाली काग्रेसका युवा नेता गगन थापाको विषयमा रोचक टिप्पणी गरेका थिए । गगन थापाका कुराको त कुरै नगर्नुस् न बोल न भाइ बोल जति बोले पनि जिब्रोको गानो जाँदैन भने जस्तै हो ।

हुन पनि गगन थापा आफ्ना अभिव्यक्तीका कारण सँधै चर्चामा रहन्छन् कतिपयले उनको बोलीलाई निकै मन पराएर वाहवाही गरेका छन् भने कतिपयले गगनले अतिरिक्त हिरोइजमका लागी आफ्नो तौल भन्दा बढि बोल्ने गरेको पनि भनेका छन् । सडक देखी सदन सम्म गगनको बोलीको चर्चा भने राम्रो या नराम्रो दुवै रुपमा भएकै छ ।

फरक देखीने नाममा कतिपय बेला उनले बोलेका भाषणहरु कालान्तरमा उनैलाई गलपासो बनेका छन् । केहि समय अघि एक चुनावी कार्यक्रममा उनले काग्रेस सुकुम्बासी, गरिबको पार्टी होइन सुकुम्बासी गरिबहरुले गएर झ्याम झ्याम सुर्यमा मत हाले हुन्छ भन्दै भाषण ठोकेका थिए । हुन त उनले त्यसपछि काग्रेसले कसैलाई गरिब सुकम्बासी बनाउँदै सबैलाई धनि बनाउँछ भनेर काग्रेसकै प्रचार गरेका थिए तर बोल्दा बढि जान्ने भए पछि उनले पहिलो भागमा बोलेको कुरानै काटेर विपक्षीले मसला बनायो । अहिले देउवा प्रधानमन्त्री भए पछि ओली सरकारले बनाएको भूमीहिन समस्या समाधान आयोग खारेज गरे पछि थापाको उक्त भिडियो फेरी भाइरल भएको छ ।

गगन थापामाथी बाख्रा अनियमितताको आरोप पनि सदाबहार लागीरहेको हुन्छ । एमालेका नेता केशव स्थापीतले गगन थापालाई बाख्रा खोइ भनेर प्रश्न गरे पछि सो भडियो भाइरल भएको थियो । गगन थापाको विरोध गर्नेहरुको मुखैमा झण्डीएको छ ए गगन बाख्रा खोइ ? आलोचना अति नै भए पछि थापाले पत्रकार ऋषि धमला सँगको अन्तवार्तामा विराधीको झाँको झार्छु भनेर जवाफ दिए मैले केही बाख्रा तारेर खाए केहि भुटेर खाए केहि सेकुवा बनाएर खाँए आदी इत्यादी । विरोधीको मेख मार्न भनेको कुरा उनैलाई महंगो भयो त्यो क्लिप पनि उनी विराधीहरुले मसला बनाए । बढि बोल्न खोज्दा गगन फेरी पछारिए ।

आफ्नो खुबी बढि देखाउँन खोज्दा गगन थापा पटक पटक चिप्लीएका छन् । बोल्नै पर्ने कतिपय कुराहरुमा भने गगन थापाले पटक्कै मुख खोलेका छैनन् । नेपालमा एमसीसीको विरोधमा व्यापक गतिविधी भइरहको छ तर गगन थापा चुइक्क बोलेका छैनन् नत पक्ष न त विपक्ष उनको पार्टी नेपाली काग्रेस एमसीसी पास गराउँन न्वारन देखीको बल लगाइरहेको छ तर गगन थापा भने मौन छन् । गगन थापाले एमसीसीको विरोध गर्छन् भन्ने उनका शुभचिन्तकले अपेक्षा गरेका थिए तर गगन बोलेनन् । कतिपयले गगन थापाले पनि एमसीसीको स्वाद चाखिसकेको अनुमान पनि गरेका छन् ।

कांग्रेसका नेता गगनकुमार थापा चर्चित नेता हुन् । उनी जनताको काम गर्नुभन्दा पनि गफकै भरमा राजनीति गर्दै आएका छन् । निर्वाचन क्षेत्रका जनताले चाहेको बेला सजिलै भेट्न पाउँदैनन्, यतिसम्म कि उनी हत्तपत्त फोन पनि उठाउँदैनन् ।

उनी १४ वर्षदेखि निरन्तर सांसद् छन् । उनी २०६४ सालको संविधानसभामा समानुपातिक सांसद् थिए भने २०७० सालको संविधानसभामा र २०७४ को प्रतिनिधिसभामा काठमाडौं–४ बाट निर्वाचित भए । उनी मिठो बोल्छन्, जनताको पक्षमा भाषणमा भए पनि कुरा गर्न सक्छन् । पार्टीले गलत बाटो लिँदैछ भने पनि नेतृत्वको विरोधमा पनि अभिव्यक्ति राख्न सक्छन् तर उनले निर्वाचन क्षेत्रलाई भने पूरै वेवास्ता गरेका छन् ।

गगनले यसअघि सरकारबाट बाख्रा पाल्नका लागि लगेको भनिएको पैसा पनि दुरुपयोग भएको र कतै बाख्रा नपालिएको पनि समाचार आएको थियो । उनी संसदमा पनि तर्कका साथ आफ्ना कुरा राख्न सक्छन् ।

गगनले जनताको र मतदाताको पक्षमा के गरेका छन् भन्ने अहिलेसम्म कसैले खोजेका छैनन् । सबै मानिसले उनको भाषण सुनेरै नै उनलाई नेता मानेका छन् । उनले मिडियामा प्रचार प्रसार गर्नका लागि पनि एउटा निश्चित सर्कल बनाएका छन् । उनी आफूलाई निकै सक्षम ठान्दै पार्टीको १३ औं महाधिवेशनमा कृष्णप्रसाद सिटौलाको समूहबाट महामन्त्रीको उम्मेदवार बनेका थिए ।

उनी नमजाले पराजित भए । उनलाई पार्टी सभापति शेरबहादुर देउवाले केन्द्रीय सदस्यमा मनोनीत गरेका थिए । नामकै आधारमा मत आउने भएको भए उनले सजिलै अत्यन्तै बढी मत ल्याएर महामन्त्री जित्नुपर्ने हो तर उनलाई पार्टी कार्यकर्ताले महामन्त्री बन्ने गरी योग्य छैनौ भनेर पत्याएनन् ।

२०७४ सालको प्रतिनिधिसभा निर्वाचनमा चुनावी अभियानका क्रममा उनीमाथि बम प्रहार गरिएको थियो । तर जान्नेबुझ्नेहरुले भने मतदाताको सहानुभूति पाउन उनले आफैंले बम पड्काएजस्तो गर्न लगाएको भनेर पनि भन्दै आएका छन् ।