जिम्मेवार प्रतिपक्ष कस्तो हुन्छ एमालेले देखायो, देशभर ओलीको प्रशंसा !

धेरैको अनुमान रहेको थियो, आज प्रमुख प्रतिपक्षी दल नेकपा एमालेले सत्तापक्षले प्रधानन्यायाधिश चोलेन्द्र शमशेर जबरालाई ल्याएको महाअभियोगको विरुद्धमा काउण्टर महाअभियोग ल्याउँने छ र थप गम्भिर परिस्थिती आउँने छ । तर, एमालेले त्यसो गरेन ।

प्रधानन्यायाधिश माथी महाअभियोग दर्ता लगत्तै एमाले अध्यक्ष केपी ओली लगायत एमालेका शिर्ष नेताले तत्कालै खरो प्रतिक्रिया दिएका थिए । शान्त रहेको प्रतिपक्षी माथी सत्तापक्षले ढुंगा हानेको भन्दै यसको जवाफ सोही ढंगले दिने एमाले नेताहरुले बताएका थिए । तर आम अनुमानलाई एमालेले तत्कालका लागी गलत साबित गरिदिएको छ ।

आज बसेको एमाले संसदीय दलको बैठकको सुरुमै संसदीय दलका नेता केपी ओलीले एमालेले आवेग र उत्तेजनाको भरका कुनै पनि निर्णय नलिने बताए ,त्यस पछि महोल फरक बन्यो । धारणा राख्ने कतिपय सांसदहरुले पनि काउण्टर महाअभियोग लगाउँनु गलत हुने र चोलेन्द्र र एमसीसी बोकेर चुनावमा जान नहुने मत राखेका थिए ।

एमालेले तत्कालै प्रतिक्रियात्मक हुने भन्दा पनि रणनितीक योजना बनाएको देखिएको छ । जुन सुकै बेला प्रयोग गर्ने गरि एमालेले सांसदहरुलाई खाली कागजमा हस्ताक्षर भने गराएको छ । एमालेले आज निकै सुझबुझपुर्ण निर्णय गरेको भन्दै पार्टी भित्र बाट मात्रै होइन बाहिर बाट पनि प्रशंसा पाइरहेको छ।

एमालेले जिम्मेवार प्रतिपक्षी कस्तो हुनु पर्छ भन्ने उदाहरण देखाएको भन्दै स्याबासी पाइरहेको छ । यता एमालेले काउन्टर महाअभियोग ल्याउँने अनुमान गरेर बसेका देउवा प्रचण्डहरु भने एमाले अध्यक्ष ओलीले फरक रणनिती लिने देखिए पछि जिल्लीएका छन् ।

आइतबार सत्तारुढ गठबन्धनका सांसदहरुले प्रधानन्यायाधीशविरुद्ध महाअभियोग प्रस्ताव दर्ता गरेपछि बसेको सचिवालय बैठकले त्यसको प्रतिवाद गर्ने निर्णय गरेको थियो ।

तर सोमबार बसेको एमाले संसदीय दलको बैठकले भने वस्तुस्थितिको ठोस विश्लेषण, कानुन र संविधानको अध्ययन गरेर निर्णय गर्ने जिम्मा शीर्ष नेतृत्वलाई दिएको संसदीय दलका प्रमुख सचेतक भट्टराईले बताए ।

बैठकमा सांसदहरुले महाअभियोग प्रस्तावको कसरी प्रतिवाद गर्ने भन्नेबारे शीर्ष नेताहरुबाट ठोस निर्णय आओस् भन्ने धारणा राखेका उनले बताए ।

‘हिजोको त्यो घटनाक्रम र समग्र सत्तारुढ गठबन्धनले गरेको व्यवहारका विरुद्ध कसरी प्रतिवाद गर्ने भन्ने बारेमा उच्चस्तरीय नेतृत्व बसेर ठोस निर्णय आओस् भनेर सांसदहरुको तर्फबाट सुझाव गएको छ’ उनले भने, ‘नेतृत्वले पनि यथाशीघ्र बैठक बसेर सबै पक्षको विश्लेषण गरेर यथोचित समयमा नै निर्णय गर्ने वचनवद्धता पार्टी अध्यक्षले गर्नुभएको छ ।’

जबराविरुद्धको महाअभियोगको विरोधमा एमालेले सर्वोच्च अदालतका अरु चार न्यायाधीश र सभामुखविरुद्ध कदम चाल्ने भनी सार्वजनिक भएका सूचना आधिकारिक नभएको भट्टराईले बताए ।

बैठकमा सांसदहरुले वस्तुस्थितिको ठोस विश्लेषण गरेर कानुन र संविधानको अध्ययन गरेर मात्र निर्णय गर्न नेतृत्वलाई सुझाव दिएका थिए । सांसदहरु भीम रावल, घनश्याम भुसाल लगायतले प्रधानन्यायाधीश जबरालाई बोकेर चुनावमा जान नसक्ने धारणा राखेका थिए ।

प्रमुख सचेतक भट्टराईले नेतृत्वको औपचारिक धारणा आएपछि एमालेले कदम चाल्ने बताए । ‘सांसदहरुको हस्ताक्षर गराएर राखेका छौं । आवश्यक परेका ठाउँमा उच्चस्तरीय नेतृत्वसँग कुरा गरेर अगाडि बढाउनुपर्ने हुन्छ’ उनले भने ।