परमादेश गलत भएको प्रमाणित भएको भन्दै ओलीलाई तत्काल प्रधानमन्त्री नियुक्त गर्न माग !

एकाएक सत्तापक्षकै सांसदले प्रधानन्यायाधिश चोलेन्द्र शमशेर जबरा विरुद्ध महअभियोग प्रस्ताव दर्ता गरे पछि यत्रतत्र यहि बिषयले चर्चा पाइरहेको छ । विभिन्न व्यक्तिहरुले आ आफ्नो मत अभिमत प्रकट गरिरहेका छन् ।

आफुलाई पब्लिक इनोभेटरको रुपमा चिनाउँने इन्जीनियर दिपेन्द्र कन्डेलले भने यसमा अलिक फरक मत राखेका छन् । परमादेश जारी गरेर प्रधानमन्त्री बनेकाहरुलेनै परमादेश जारी गरेका प्रधानन्यायाधिशलाई महाअभियोग लगाएका कारण उनीहरु नराम्रो सँग चिप्लिएको दाबी उनले गरेका छन् ।

ओटिभी नेपाल डटकम सँगको विशेष कुराकानीमा कन्डेलले सत्तागठबन्धनलेनै प्रधानन्यायाधिश माथी महाअभियोग लगाए पछि परमादेश गलत थियो र तत्कालिन प्रधानमन्त्री केपी ओलीले गरेको संसद विघठन र राष्ट्रपति विद्यादेवी भणडारीले संसद विघठन सदर गरेर निर्वाचन घोषणा गरेको सहि थियो भन्ने प्रमाणित भएको बताएका छन् ।

प्रधानन्यायाधिशलाई महाअभियोग लगाउँदा देउवा र प्रचण्ड नराम्रो सँग चुकेको भन्दै कन्डेलले यसले एमाले अध्यक्ष ओलीलाईनै खेल्न सहयोग मिलेको जिकिर गरेका छन् । सत्तापक्षले खेलको फ्लोर ओपन गरेको भन्दै उनले अब खेल भने केपी ओलीले खेल्ने र त्यसलाई सामना गर्न तयार रहन पनि देउवा प्रचण्डलाई चुनौती दिएका छन् ।

परमादेश बाट प्रधानमन्त्री तोकेकै कारण खेल विकास भएर प्रधानन्यायाधिशलाई महाअभियोग आएको भन्दै कन्डेलले ‘महाअभियोगमा प्रधानन्यायाधिश राणाले राम्रो सँग न्याय सम्पादन गर्न नसकेको भनिएको छ , राम्रो सँग न्यायसम्पादन गर्न नसकेको भनेको परमादेश पनि त पर्यो होलीनी यसले त सत्तापक्षलेनै परमादेश गलत थियो भन्यो नी, हो यहाँ चुके उनीहरु’ । कन्डेलले भनेका छन् ।

कन्डेलले परमादेशनै गलत भएको प्रमाणित भए पछि राष्ट्रपति विद्यादेवी भण्डारीले असार २८ गते जारी परमादेशलाई अस्विकार गर्दै केपी ओलीलाईनै प्रधानमन्त्री नियुक्त गर्न पनि माग गरेका छन् । राष्ट्रपति भण्डारीले तत्काल कानुनविदहरु सँग यस बिषयमा परामर्श सुरु गर्नु पर्ने धारणा पनि उनले राखेका छन् ।

चुनाव अघिनै केपी ओली फेरी पनि प्रधानमन्त्री बन्ने अवस्था आएको भन्दै कन्डेलले यति बेला ओलीको टिमले निकै चलाखी र होसियारी पूर्वक कदम चाल्ने हो भने केहि समय भित्रै ओली व्यान बाजा बजाएर सिंहदरबार र बालुवाटार छिर्ने दिन आएको पनि जिकिर गरेका छन् ।

कन्डेलले अब ढिलो नगरीकन एमालेले परमादेश जारी गर्ने बाँकी चार जना न्यायाधिशहरुलाई पनि महाअभियोग दर्ता गरिहाल्नु पर्ने बताएका छन् । टिट फर ट्याट गर्नै पर्ने भन्दै उनले अब ओलीको हातमा बल आएको र उनले चाल्ने गोटीले सत्तापक्ष एकै पटक ९९ बाट ४ मा आइपुग्ने दाबी गरेका छन् ।

समसामयिक राजनिती , प्रधानन्यायाधिश माथी लागेको महाअभियोग ,एमसीसी लगायतका विषयमा केन्द्रित रहेर दिपेन्द्र कन्डेल सँग ओटिभी नेपाल डट कमले गरेको भिडियो कुराकानी हेर्नुहोस्