आजैको कुरा ,जब मनपरी बोल्ने प्रेम ओले सँग माधव नेपालले कुम जोडेर पोज दिए ..

भारतमा बस्ने एक युवालाई सुन्नै नसकिने गालीगलोज गरेर विवादित भएका सँस्कृती ,पर्यटन तथा नागरिक उड्ययन मन्त्री प्रेम आले सँग आजै नेकपा एसका अध्यक्ष माधव कुमार नेपाल सहित नेपाली काग्रेसका वरिष्ठ नेता रामचन्द्र पौडेल समेतले कुम जोडेर स्टेज सेयर गरेका छन् ।

संसदको अन्तर्राष्ट्रिय सम्बन्ध समितिका सदस्यहरुसहितको टोली लिएर आज मन्त्री आले निजगढ पुगेका थिए । उनको टोलिमा माधव कुमार नेपाल देखि सांसदनै नरहका रामचन्द्र पौडेल सम्म थिए भने अन्य सांसहरु पनि रहेका थिए ।

एस पार्टीका अध्यक्ष माधव कुमार नेपाल आले सँग कुम जोडेर बसेका थिए भने रामचन्द्र पौडेल पनि उनी सँगै रहेका थिए । उसो त केहि समय अघि मात्रै नेकपा एस बाट मुख्यमन्त्री बनेका नेता देखी केन्द्र र प्रदेशका मन्त्रीहरुलाई पनि प्रेम ओले जस्तै बन्न निर्देशन दिएका नेपालले आलेको विवादास्पद भिडियो सार्वजनिक भएकै दिन पनी एउटै मंचमा बसेर पोज दिन भ्याएका छन् ।

कुनै हिनताबोध विना ठाँट सँग निजगढ पुगेका ओलेले निजगढमा अन्तर्राष्ट्रिय विमानस्थल बनाएरै छाड्ने घोषणा गरेका छन् । प्रतिनिधिसभाअन्तर्गत रहेको अन्तर्राष्ट्रिय सम्बन्ध समितिका सदस्यहरुसहित आज एक टोली निजगढ पुगेको छ । उक्त टोलीले विमानस्थल बन्ने स्थलका स्थायीवासीहरुसँग पनि अन्तरक्रिया गरेको छ।

सो क्रममा संक्षिप्त सम्बोधन गर्दै मन्त्री आलेले यस्तो बताएका हुन् । उनले भनेका छन्–‘म एयरपोर्ट बनाउँछु, प्रेम आलेले बोलेपछि काम हुन्छ, हुन्छ। म सबैमा यो विश्वास दिलाउन चाहन्छु कि यहाँ विमानस्थल बन्छ । यो आवश्यकत्ता हो ।’

टोलीले बारको जीतपुर उपमहानगरपालिका, ट्यांग्ला बस्तीको अवलोकन र स्थानीयहरुसँग अन्तरक्रिया गरेको थियो । उक्त क्षेत्रमा १५ सय घर छन् । जहाँ १२ हजार जनाको बसोबास छ । तर, आधारभूत सेवा सुविधा समेत उक्त क्षेत्रमा छैन् । टोलीमा सहभागी एक सांसदले भने,‘यो ठाउँमा अझै विजुली छैन् । टेलिफोनको सुविधा पनि छैन् । यो ठाउँ बत्तिमुनिको अध्याँरोमा छ । खानेपानीको सुविधा छैन् । राम्रो स्कुल र कलेजपनि छैन । स्वास्थ्य चौकी पनि छैन् ।’

२०५२ सालदेखि नै निजगढ अन्तर्राष्ट्रि विमानस्थल बनाउने कुरा सुरु भएको थियो । तर, आजसम्म भने विमानस्थल निर्माणको काम भने सुरु हुन सकेको छैन् । उक्त क्षेत्रमा २०१५ सालदेखि जनताको बसोबास छ । जनता ठूलो समस्यामा छन् ।

भ्रमण दलमा सहभागी नेकपा एसका अध्यक्ष माधवकुमार नेपालले जनताको आवाजलाई सरकारले सुनुवाई गर्ने बताएका थिए । विमानस्थल बनाउनेगरि सरकार अघि बढेको सुनाउँदै स्थानीयवासीहरुको मागलाई उचित तवरले सम्बोधन गरिने विश्वास दिलाएका थिए ।

नेपाली कांग्रेसका वरिष्ठ नेता रामचन्द्र पौडेले पनि विमानस्थल बनाउने कुरा गरे । उनले विमानस्थल बनाउनु आजको आवश्यकत्ता भएको औंल्याए । टोलीमा संघीय सरकारका मन्त्रीहरु, सचिवहरु, मधेश प्रदेशका मन्त्रीहरु र बाग्मती प्रदेशका मन्त्रीहरुको पनि सहभागिता रहेको छ ।