अन्तिममा ओलीले भनेकै भए पछि माधब-प्रचण्ड तनाबमा !

पाँच दलीय सत्ता गठबन्धन टुक्राउने एमाले अध्यक्ष ओलीको योजना सफल हुने दखिएपछि माधब कुमार नेपाल र प्रचण्डलाई तनाब हुन भएको छ।

एमसीसीमा प्रचण्डले खेलेको दोहोरो भूमिकाका कारण उनि आफैं अफ्ट्यारोमा परेपछि सत्ता गठबन्धन छोड्ने अन्तिम तयारि माओवादीले गरेकाले यस्तो अवस्था आएको हो। आजबिहान मात्रै आफुले हदैसम्म प्रयास गरेको भएपनि एमसीसी पास गराउन पार्टीलाई मनाउन नसकेको प्रचण्डले देउवालाई बताएका थिए।

यसैबीच सत्ता गठबन्धनमा एमसीसी पेचिलो भइरहेका बेला आज दिउँसो २ बजे मन्त्रिपरिषद बैठक बस्न लागेको छ ।

आजको बैठकमा एमसीसी सम्झौताबारे विशेष छलफल हुने काँग्रेसका एक मन्त्रीले जानकारी दिए । नेकपा माओवादी केन्द्रले यथास्थितिमा एमसीसी अघि बढाए सरकार छोड्ने निर्णय गरिसकेको छ । ‘यस्तो अवस्थामा गठबन्धनको मन्त्रिपरिषद आज अन्तिम हुनपनि सक्छ’ एक मन्त्रीले भने ।

बिहीबार बिहान प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’बीच एमसीसीलाई कसरी अघि बढाउने भन्नेबारेमा बालुवाटारमा छलफल भएपनि सहमति जुट्न सकेको छैन ।

यसैबीच सूचना तथा सञ्चारमन्त्री समेत रहेका ज्ञानेन्द्रबहादुर कार्की र माओवादीका केही नेताबीच भएको छलफलमा माओवादी नेताहरुले सहमति विना एमसीसी अघि नबढाउन गरेको आग्रहमा कार्कीले देउवाकै बोली बोल्दै शुक्रबारको बैठकमा एमसीसी टेवल गरेरै छाड्ने अडान दोहोर्याएका छन् ।

कार्कीसँगको भेटमा माओवादी नेताहरुले एमसीसीप्रति नेपाली नागरिकको धारणा नकारात्मक बन्दै गएपछि अमेरिका समेत केही व्याक भएको माओवादी नेताहरुको बुझाई छ ।

मंगलबार अमेरिकी राजदूत र्याण्डिबेरीले केही पत्रकारहरुसँगको भेटमा बहुमतका नाममा संसदमा लज्जाजनक उपस्थितिबाट एमसीसी पारित गर्दा अन्तर्राष्ट्रिय रुपमा नकारात्मक सन्देश जाने संकेत गर्दै केही लचक भएको संकेत गरेका थिए ।

तर प्रधानमन्त्री र काँग्रेसका मन्त्रीहरु भने जसरी पनि एमसीसी अघि बढाएरै छोड्ने मनस्थितिमा पुगेकाले सम्भवत बिहीबार बेलुका बस्ने सत्ता गठबन्धनको बैठकपछि औपचारिक रुपमा गठबन्धन टुटेको घोषणा हुनेछ । त्यसो भएमा केपी ओलीको योजना सफल हुनेछ।