यो एउटै घटनाले लाग्यो नसोचेको धक्का , शेरबहादुर देउवा नै फेरि सभापति बन्ने पक्का !

सत्तारुढ दल नेपाली कांग्रेसको १४औं महाधिवेशन नजिकिँदै गर्दा सभापति शेरबहादुर देउवाले फेरि सभापतिमा जित्ने गरी माहोल निश्चित भइरहेको नेताहरू बताउँछन् । १३औं महाधिवेशनमा दोस्रो चरणको निर्वाचनमा मात्रै सभापति देउवालाई समर्थन गरेका पूर्व महामन्त्री कृष्णप्रसाद सिटौलाले यसपालि पहिलो चरणमै देउवालाई समर्थन गर्ने भएका छन् । यस विषयमा देउवा र सिटौलाबीच आन्तरिक सहमति भइसकेको छ ।

कांग्रेसभित्र निर्णायक र प्रभावशाली मानिएका नेता सिटौलाको गृहजिल्ला झापा लगायत पूर्वका जिल्लामा राम्रो प्रभाव रहेको छ । सिटौला पक्षका महाधिवेशन प्रतिनिधिको भोट देउवाको पक्षमा आएमा देउवा सभापतिमा सहजै जित्ने कांग्रेसका एक नेताले दाबी गरे ।

‘सभापतिज्यूको पक्षमा माहोल राम्रो बनेको छ । प्रधानमन्त्री बन्नुभएका कारण पनि देशभरका नेताहरू सभापतिज्यूतिर आकर्षिक भएका छन्,’ ती नेताले भने, ‘सिटौलाज्यूले समर्थन गर्ने भएपछि देउवा सभापति बन्ने निश्चितजस्तै हो ।’

देउवालाई चुनौती दिन खोजिरहेको वरिष्ठ नेता रामचन्द्र पौडेल पक्षमा भने सभापतिकै धेरै आकांक्षी छन् । पूर्व महामन्त्री प्रकाशमान सिंहले उम्मेदवारी घोषणा गरिसकेका छन् भने पौडेल, महामन्त्री शशांक कोइराला र शेखर कोइराला बलियो गरी सभापतिमा भिड्ने दौडमा छन् ।

अर्को पक्षमा धेरै आकांक्षी भएको अवस्थामा देउवालाई सभापति जित्न झन् सहज हुने स्रोतको दाबी छ ।

सम्बन्धित समाचार

प्रकाशित: आइतबार, पुष २१ २०८१