केपी ओली र महेश बस्नेतलाई प्रहार गरेर एमाले कमजोर बनाउने षड्यन्त्रको चिरफार, यसकारण जरुरी छ प्रतिरोध !

पछिल्लो समय जनताको लोकप्रिय पार्टी नेकपा एमालेलाई कसरी बदनाम गर्न सकिन्छ र कसरी कमजोर बनाउँन सकिन्छ भनेर अनेक खाले तिकडम र षड्यन्त्रका तानाबानाहरु बुनिँदै गएको छ । अनेक खालका श्याल हइयाँ मच्चाएर भ्रमको खेती गर्न खोजिएको छ ।

जनताको विचमा सर्वाधिक लोकप्रिय रहनु भएका एमाले अध्यक्ष केपी ओलीलाई कमजोर नबनाइ एमालेलाई धक्का दिए सकिँदैन , एमालेलाई धक्का नदिइ आफ्नो राजनितीक अभिष्ट पुरा हुँदैन भन्ने निष्कर्ष निकालेरै एक थरी तत्वहरु एमालेका विरुद्ध न्वारन देखिएको बल निकालेर लागेका छन् ।

एमाले अहिले सत्ताको नेतृत्वमा छैन । प्रमुख प्रतिपक्षीको बेन्चमा बसेर जनताको सवालहरुलाई बेजोड रुपले उठाइरहेको पार्टीलाई कथित गठबन्धन देखी देशी विदेशी सबैले तगारो बनाउन खोजेका छन् । भूत बनिसकेको राजतन्त्रका पिसाचहरु समेत एमाले नेतृत्वलाई टार्गेट गरेर धमिलो पानीमा माछा मार्ने कूचेष्टा गर्न खोजिरहेका छन् ।

एमाले अध्यक्ष केपी ओली र युवाहरुका विचमा लोकप्रिय नेता महेश बस्नेतलाई लक्षित गरेर अनेक तिकडम र श्याल हुइयाँ मच्चाउन खोजिएको छ । सुनियोजित रुपमानै अध्यक्ष ओली र युवा नेता महेश बस्नेतलाई कमजोर बनाए मात्रै एमालेलाई धक्का दिन सकिन्छ भन्ने हिसाब किताब गरेरनै यो सब मंचन भइरहेको कुरा हर कोहिले सहजै अनुमान गर्न सक्छन् ।

न त केपी ओलीको न त महेश बस्नेतको राजनितीक जग नै त्यत्ति कमजोर छकी केही कुत्सीत मनसाय बाकेका कूतत्वहरुले सजिलै हल्लाउन सकोेस् । यी सब प्रयन्तहरु केवल माकाफूँइमा सिमित हुने छन् । पार्टी नेतृत्व विरुद्ध गर्न खोजिएको चौतर्फी घेराबन्दीलाई सिंगो एमाले पंक्तिले प्रतिरोध गर्ने घोषणा गरिसकेको छ ।

एमाले पार्टी र अध्यक्ष ओलीको प्रतिरक्षामा निरन्तर मूल खाँबो बनेर उभिएका लोकप्रिय नेता महेश बस्नेत विरुद्धको घेराबन्दी र अनेक आरोप प्रत्यारोप गर्ने कुचेष्टा पनि एमाले पार्टीलाई बदनाम गर्न सकिन्छ की भनेर रचिएको खेल बाहेक केहि होइन । यी सबै खेलहरु केवल दिवा सपनामा सिमित हुने छन् ।

नेपालको राजनितीमा महेश बस्नेत ३ महिना अघि उम्रिएको बनमारा होइन , निरन्तरताको सक्रियताबाट अनकौँ उताड चढावहरुलाई सहेर बेहोररे हुर्किएको पिपल हो । हजारौँ राप, ताप र चापलाई सहेर खारिएर बनेको अकबरी सुन हो । आँधी तुफानहरुबाट नढलेको सतिसाल हो ।

केहि धमीराहरुको कुचेष्टाले मक्कीएको थाम होइन महेश बस्नेत, एमालेको पिल्लर हो । युवाहरुको आशा , भरोसा र विश्वासको विम्ब हो । लाखौँ लाख युवाहरुको ढुकढुकी बनेर कुशल नेतृत्व गरिरहँदा आएको साना तिना उल्झन र बेल्झनहरुलाई सजिलै नाघेर जाने क्षमता छ महेश बस्नेतसँग ।

जब जब पार्टीलाई संकट र अप्ठेरो समय आउँछ त्यो बेला सबै चुनौतीका बेगलाई काँधमा बोकेर पार लगाउन सक्ने क्षमता महेश बस्नेतसँग छ । कुनै बेला वाइसियलको आतंकलाई तह लगाउन टाउकोमा कफन बाँधेर सडकमा निस्कँदा होस् या संसद विघठनको पक्षमा देशव्यापी युवा परिचालनको नेतृत्व गर्दा नै किन नहोस् यस्ता दजनौँ जंघारहरुमा महेश बस्नेतको कुशल नेतृत्वको पटक पटक परिक्षण भइसकेको छ ।

२२ बर्षको कलिलो उमेरमा गाविस अध्यक्ष बनेर इतिहास बनाउने काम मात्रै होइन राजधानीसँग जोडिएर पनि विकासको प्यास मेट्न नपाएको भक्तपुर जिल्लालाई सांसद निर्वाचित भएर विकासको लहर कस्तो हुन पर्छ भनेर देखाउने काम पनि महेश बस्नेतबाट भएको छ । आज भक्तपुरका जनताको मनमनमा नमेटिने नाम भनेर स्वर्ण अक्षरले लेखिएको छ महेश बस्नेतको नाम ।

कुरामा भन्दा काममा विश्वास गर्ने र पार्टीलाई अप्ठेरो पर्दा पिठ्यू फर्काएर भाग्ने होइन बरु पाखुरा सुर्किएर भिड्ने स्वभावकै कारण सिंगो पार्टी पंक्ती र युवा पंक्तिमा महेश बस्नेतको बेग्लै अस्तित्व बनेको छ । जहाँपार्टीलाई संकट त्यहाँ महेश बस्नेत भन्ने भाष्यनै स्थापित हुँदै गएको छ ।

राजनितीमा अराजकता र उग्रताको भेषमा देखिएका धेरै खरानी घसिरहेका नयाँ राजनितिक जोगीहरुलाई ठेगान लागाउन होस् या मसानघाटमा पुगिसकेको राजतन्त्रका पिसाचहरुलाई मन्छीन पनि महेश बस्नेत फेरी एक पटक मैदानमा खडा हुनु पर्ने अवस्था समयले माग गरेको छ ।

अनेकौँ आरोह अवरोह सँग पौठेजोरी खोज्दै चट्टानरुपी राजनितीक व्यक्तित्व बनाएका महेश बस्नेतसँग दुर्गा प्रसाई जस्ता केही अराजकहरुले कुइँनो जोड्ने दुस्साहस गर्न खोजेका छन् । जुन उनीहरुको आत्मरती भन्दा बढि केहि हुने छैन । पहाडमा गएर कुँइनो ठोक्नेहरुको हालत के हुन्छ त्यो उनीहरुले राम्रो सँग बुझेकै राम्रो।

महेश बस्नेत अब केवल एउटा नाम रहेन एउटा अभियानको ब्राण्ड बन्यो । लाखौँ लाख युवाहरुको मन मुटुमा बसेर कुशल नेतृत्व गर्ने र अराजकहरुलाई तह लगाउने एउटा ब्राण्ड। राप र तापहरुमा खारिएर पटक पटक परिक्षामा सफल हुँदै आएको तपाईको पाइला निरन्तर अघि बढिरहने छ । यात्रामा काँडाहरु त अवस्य भेटिने छन् तर त काँडाहरुले गन्तव्यको यात्रालाई रोक्न सक्ने छैनन् ।

यात्राका क्रममा लाग्ने ठेस र विझ्ने काँडाहरुलाई निकालेर पनि हाम्रो गन्तव्य सुखि नेपाली, समृद्ध नेपालको निर्माण हो । यो महान यात्रामा लम्कीरहेका तपाईका पाइलाहरुलाई कर्मशिल र उर्जाशिल युवाहरुको सँधै साथ रहनेछ। तपाईको पाइला लम्कीरहोस् जनताले अवस्थ साथ दिनेछन् महेश दाई ।
(लेखक नेकपा एमाले बाग्मती प्रदेश कमिटीका सदस्य हुन् )